Malakia 1:5 - Tosi Tapu

⁵ E tio loa ki ai okoutou mata, Ti e kotou pati loa : E lasi le Eteleno O fakalaka i koiga o Iselaele !

Malakia 1:5 ပူးပေါင်းရင်းမြစ်များ

Lua tosi o Koloniko 29:8

Koia na itaita ai le Eteleno ki Suta mo Selusalemi, ti na tuku ai e ia latou ki le maveuveu, mo le mamae, ti mo le luma, ofaipe le nea leia kua kotou tio mata ki ai.

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Esekiele 38:23

E kau fakasa loa loku lasi mo loku maokioki, E kau fakasa loa au ki mata o atu puleaga, Ti e lotou iloa loa ko au ko le Eteleno.

Esekiele 39:9

Ti e ulu loa ki fafo a kakai o kolo o Iselaele, E lotou tae loa ti e lotou tutu loa a masafu tau, A paletau liliki mo paletau lalasi, A kalolo mo gasau, A suki mo tao. E lotou tafu loa se afi ki nea ana i fetuu e fitu.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Tetelonome 11:7

Io, na tio okoutou mata ki gaoi lalasi fuli ala na fai e le Eteleno.

Tetelonome 4:3

Kua tio okoutou mata ki le nea leia na fai e le Eteleno o tupu ko Paale-Peoli : na maumaui loa e le Eteleno, lou Atua, latou fuli ala na kau ki le atolasio o Paale-Peoli.

Sosue 24:7

Na tagi loa okoutou tamana ki le Eteleno. Ti na tuku loa e le Eteleno se fakapouli i le vasa o koutou mo le kau Esipito, ti na aumai loa e ia kia latou le tai, o lotou lomakia ai loa. Na tio okoutou mata ki le nea leia na kau aga o fai ki le kau Esipito. Ti na kotou nonofo loa i le toafa o fualoa.

Uluaki tosi a Samuele 12:16

Kotou toe talitali i leinei, ti kotou tio ki le nea fakamanamana leia ka fakasoko loa e le Eteleno i okoutou mua.