Malakia 1:4 - Tosi Tapu

⁴ Kapau e pati Etome : Kua motou maumau, E motou toe laga loa a maumau ! Koia e folafola ai le Eteleno o kau tau : Ke lotou fakatuu ! e kau soloi loa, Ti e fakaigoa loa latou fenua o le agaveli, Kakai leia e itaita ki ai le Eteleno o lee gato.

Malakia 1:4 ပူးပေါင်းရင်းမြစ်များ

Sopo 12:14

Ko le nea leia e maumaui e ia e leaise toe fakatuu loa, Ti ko leia e tapono e ia i le pilisoni, e leaise toe saofaki loa.

Sopo 34:29

Kae i le tasi anoaga, kapau e leaise loto le Atua ke fai ia se nea, ko ai e fakalakasala ia a ia ? Ti kapau e mumuni a ia, ti ko ai e feala ke toe tio kiate ia ? E fai fakatatau e ia ki se puleaga, pe ko se tagata,

Sopo 9:4

A ana le poto mo le mafimafi : Ko ai leia e fakatutuu kiate ia kae leaise tautea a ia ?

Pesalemo 127:1

Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Pesalemo 137:7

Eteleno, manatui fanau o Etome, Ala, i le aso o Selusalemi : Na pati : Kotou tele, kotou tele O kaku ki ona fakatafito !

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Esaia 34:10

E leaise toe mate loa a ia i le ao mo le pouli, E malaga loa lona afu o lee gato. E lavaki loa a ia i tautupu mo tautupu, E leaise fakalaka loa i ai se tasi i se aso.

Esaia 34:5

Kua kona laku seleta i le atu lagi ; Ko leinei, ka ifo a ia ki Etome, Ki le kakai leia na kau tuku ki le maumau, ke tautea ai a ia.

Selemia 31:17

E i ai se amanaki malie ki lou apogipogi, e pati le Eteleno ; E toe liliu mai loa au fanau ki lolatou fenua.

Selemia 49:20

Koia kotou fakalogo mai ki le fakapapau leia na fai e le Eteleno ki Etome, Ti mo fakatuutuu ala na fai e ia ki le kakai o Temane ! E maoki e toso loa latou ki fafo ofaipe ni ovi gagae, E maoki e maumaui loa lolatou nofoaga.

Selemia 49:7

Ki Etome. E folafola le Eteleno o kau tau, o pati : Pe leaise koi maua se tagata poto i Temane ? Pe kua puli le fakakaukau i tagata atamai ? Pe kua puli noa lolatou poto ?

Selemia 49:8

Kotou sosola, kotou titua mai, kotou ulu ki ana ! Kakai o Tetane ! Talie e kau aumai le malaia kia Esau, Le temi o lona tautea.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Esekiele 11:10

E kotou mamate loa i le seleta, E kau fakamaau loa koutou i le koiga o Iselaele, Ti e kotou iloa loa ko au ko le Eteleno.

Esekiele 25:13

Ko leinei e folafola le Akiki, le Eteleno, o pati : E kau falo loku lima ki Etome, E kau tuuti i ai a tagata mo manu, E kau fakaliliu a ia ko se toafa, mei Temane ki Tetani ; E lotou sisiga loa i le seleta.

Esekiele 25:14

E kau liligi loa loku sausau ki Etome I le lima o loku kakai ko Iselaele ; E fai loa e ia ki Etome o mulimuli ki loku sausau mo loku mafaia ; Ti e lotou iloa loa loku sausau, E pati le Aliki, le Eteleno.

Esekiele 26:14

E kau fakaliliu loa a koe ko se utu telefua ; ti e ke liliu loa ko se ganea leia e tautau ai loa a kupega ; ti e leaise toe lagai loa a koe. Talie ko au le Eteleno, kua kau masau, e pati le Aliki, le Eteleno.

Esekiele 35:4

E kau maumaui loa ou kolo, E ke liliu loa ko se potu lavaki, Ti e ke iloa loa ko au ko le Eteleno.

Esekiele 35:9

E kau fakaliliu loa a koe ko se potu lavaki o lee gato, E leaise toe nofoi loa ou kolo, Ti e kotou iloa loa ko au ko le Eteleno.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 3:15

E kau maumaui loa a fale o le temi momoko mo fale o le temi vevela ; E maumau loa a fale sau lei, E pupuli loa a fale o le kau lalasi, e pati le Eteleno.

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Amosi 6:11

Talie ko leinei, kua fakatotonu e le Eteleno : E tuku loa e ia ke maofa le fale lasi, Ti ke maumau le fale ikiiki.

Amosi 6:2

Kotou ano ki Kalene ti kotou tio, Kotou fakakaku atu i lena ki Amati, le kolo lasi, Ti kotou ifo ki Kate ki le kau Filisitini : Pe malilie ake a kolo ana i okoutou puleaga e lua ? Pe lasi ake lolatou kele i lokoutou ?…

Apetiasi 1:1

Folafola kikite a Apetiasi. Ko leinei le folafola a le Aliki, le Eteleno, ki Etome : Na motou maua se logo mei le Eteleno, Ti na kakau se tagata avelogo ki atu puleaga : Kotou tutuu ki aluga, ke tou saele ki Etome o taui a ia !

Apetiasi 1:10

O tupu ko lau agamakeke ki lou taina ko Sakopo, E ke apele loa i le luma, Ti e motusi loa a koe o lee gato.

Malakia 1:3

Ti na kau maua se vesia kia Esau, Na kau fakaliliu ona mauga ko se potu lavaki, Na kau tuku lona tofiga ki kuli vao o le toafa.

Mateo 12:30

Ko leia e leaise kau mo au e fakafesagai kiate au, ti ko leia e leaise tanaki mo au e veuki.