Malakia 1:14 - Tosi Tapu

¹⁴ Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Malakia 1:14 ပူးပေါင်းရင်းမြစ်များ

Senesi 27:12

Ti kapau e fafa mai loa loku tamana kiate au, ti e kau liliu loa kiate ia ko se tagata kaka, ti e kau aumai loa le malaia kiate au, kae leai le tapuaki.

Lua tosi a Samuele 24:24

Kae na pati loa le sau kia Alavana : Leai ! e kau loto ke totogi paaga latou kiate koe, ti e leaise kau momoli loa ki le Eteleno, loku Atua, se failaulau leia e leaise kau totogi ki se nea. Ti na totogi loa e Tavite le faisaga mo pipi ki fa sikele paaga e kau lima.

Pesalemo 102:16

Ti e i loa a atu puleaga ki le suafa o le Eteleno, Ti mo sau fuli o le malama nei ki lou kololia.

Pesalemo 47:2

Kotou fuli, atu kakai, ke kotou pasipasi okoutou lima ! Ke kotou fai ni kalaga fakafiafia ki le Atua !

Pesalemo 47:3

Talie e fakaii ai le Eteleno, le Taualuga, Ko se sau lasi a ia ki malama nei katoa.

Pesalemo 47:8

Talie ko le Atua e sau i le malama nei katoa : Ke kotou sua se katiko !

Pesalemo 48:2

E lasi le Eteleno, ti e malie ke fakavikiviki kiate ia I le kolo o lotatou Atua, i lona mauga maokioki.

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Pesalemo 76:12

Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Selemia 46:18

E kau mauli ! e pati le sau, Leia e igoa ko le Eteleno o kau tau : Ofaipe le Tapole i loto malie o atu mauga, Ofaipe le Kalemelo leia e oso ki le tai, E au loa le fili.

Selemia 48:10

Malaia leia e fai fakakaka ia le gaoi a le Eteleno, Malaia leia e fakamamao ia lana seleta i le matea !

Selemia 48:15

Kua maumaui Moape, kua vela ona kolo, Kua tamate le kau lalasi o lona kau tagata tupulaga, E pati le sau, leia e igoa ko le Eteleno o kau tau.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Malakia 1:8

Ka kotou momoli se failaulau ki se manu kivi, pe leaise veli ? Ka kotou momoli se manu kito pe maimoa, pe leaise veli ? Ke ke momoli a ia ki lou kovana ! Pe tali malie loa e ia a koe, pe tuku atu loa e ia kiate koe se nea malie ? E pati le Eteleno.

Malakia 2:1

I le temi nei, kia koutou le fakatotonu leinei, kau pelepitelo !

Malakia 3:9

Kua taai koutou e le malaia, Kae e kotou kakaai au, E le puleaga katoa !

Mateo 24:51

Ti e tautea fakaveliveli loa e ia le tagata fakasausau lena, o soli kiate ia lona vaega mo le kau malualoi : Ko lena le ganea leia e maua ai loa ni tagi mo ni fetati o nifo.

Mateo 5:35

pe i le kele, talie ko lona tekiaga vae a ia, pe i Selusalemi, talie ko le kolo a ia o le Sau lasi.

Maleko 14:8

Kua fai e ia le nea leia na mafai e ia : kua fakamanogi fakatomua e ia loku tino ki loku aveifo.

Luka 12:46

e au loa le pule o le tagata fakasausau lena i le aso leia e leaise amanaki a ia ki ai ti mo le ola leia e leaise iloa e ia, ti e maumaui loa e ia a ia, o soli kiate ia lona vaega mo le kau agaveli.

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Tetelonome 28:58

Kapau e leaise ke tausi loa ti mo fai loa a folafola fuli o le lao leinei, ala kua tuu i le tosi leinei, ti kapau e leaise ke fakaapaapa loa ki le suafa fakakololia mo fakaii o le Eteleno, lou Atua,

Uluaki tosi kia Timoteo 6:15

leia e fakasa loa i lona temi e le Aliki taualuga toka tasi mo manuia, le Sau o atu sau, le Aliki o aliki,

Epelo 12:29

talie ko lotatou Atua ko se afi maumau foki a ia.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.