Malakia 1:13 - Tosi Tapu

¹³ E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Malakia 1:13 ပူးပေါင်းရင်းမြစ်များ

Lua tosi a Samuele 24:24

Kae na pati loa le sau kia Alavana : Leai ! e kau loto ke totogi paaga latou kiate koe, ti e leaise kau momoli loa ki le Eteleno, loku Atua, se failaulau leia e leaise kau totogi ki se nea. Ti na totogi loa e Tavite le faisaga mo pipi ki fa sikele paaga e kau lima.

Esaia 1:12

Ka kotou au o tutuu i oku mua, Ko ai na kole atu kia koutou ke fakakelekele oku lotoa ?

Esaia 57:6

E maua lou vaega i fatu momole o liua, Ko lena, ko lena lou vaega ; Ko latou ana e ke liligi ki ai ni moliga vino, E ke fai ki ai ni moliga : Pe mafai ke kau tuku noa a nea ana ?

Esaia 61:8

Talie ko au, le Eteleno, e kau alofa ki le faitotonu, E kau vesia ki le kaia mo le agaveli ; E kau soli loa kia latou lolatou fakapale totonu, Ti e kau fai loa mo latou se sai lee gato.

Esekiele 4:14

Na kau pati : Ei Aliki Eteleno, ko leinei, na leikiai fua se fakakelekele loku laumalie e se nea kelekele ; talu i loku ikiiki o kaku mai ki le lakaga leinei, na leikiaise kau kai fua ki se manu mate, pe na tamate e se tasi ake a manu, ti na leikiaise ulu fua se kanoi manu kelekele ki loku gutu.

Esekiele 44:31

E leaise kai loa e tagata faisakilifisio se manu lele pe ko se manu masaki, pe ko se manu na tamate e se tasi a manu.

Oseo 13:9

Ko le nea leia e tupu ai lou maumau, Iselaele, Ko lau agatuu kiate au, ki leia na feala ke saofaki ia a koe.

Levitiko 22:8

E leaise kai loa e ia se manu masaki pe na tamate e se manu, o tupu ke aua na kelekele loa i ai. Ko au ko le Eteleno.

Levitiko 6:4

Ti e tatala loa e ia ona kofu, kae toe tui loa e ia ni iki ake a kofu ke ave ai le mugalafu ki fafo o le nofolaga, ki se ganea mea.

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Mikea 6:3

Ei loku kakai, kolea le nea leia kua kau fai kiate koe ? Kolea le nea leia kua kau fakakaekae ai a koe ? Tali mai kiate au !

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Malakia 2:12

E motusi loa e le Eteleno le tagata leia e fai ia le nea lena, leia e alaala mo leia e tali, E motusi loa e ia a ia i falela o Sakopo, Ti motusi loa e ia leia e fai ia se moliga Ki le Eteleno o kau tau.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Tetelonome 15:21

Kapau e maua loa e ia se mele, kapau e kito a ia pe kivi, kapau e maua e ia se lavea veli, ke aua na ke momoli loa a ia i se sakilifisio ki le Eteleno, lou Atua.

Uluaki tosi a Samuele 2:29

Kolea e kotou takatakafi ai ki okoutou vae aku sakilifisio mo aku moliga, ala na kau fakatotonu ke fai i loku nofoaga ? Ti kolea e ke fakaapaapa ake ai ki ou vosa iate au, ke kotou fakapepeti ai ki uluaki fua o moliga fuli a Iselaele, loku kakai ?