Malakia 1:12 - Tosi Tapu

¹² Kae ko koutou, e kotou fakakelekele loku suafa, O kotou pati : E kelekele le laupapa o le Eteleno, Ti ko le nea leia e maua i ai ko se nea kai veli.

Malakia 1:12 ပူးပေါင်းရင်းမြစ်များ

Lua tosi a Samuele 12:14

Kae ko leinei, o tupu kua ke fai se nea leia ke lauveli ai a fili o le Eteleno, e mate loa le vosa leia kua tupu kiate koe.

Esekiele 41:22

Ti na fai le aletale lena ki le laakau, ti ko lona taualuga ko le meta e tasi vaelua, ti ko lona loa ko le meta e tasi. Ti na toe fai foki ki le laakau ona tifi, mo ona vae, mo ona fetuu. Ti na pati mai loa le tagata kiate au : Ko leinei le laupapa leia e tuu i mua o le Eteleno.

Esekiele 44:16

E lotou ulu loa ki loku sagatualio, ti e lotou fakafeofi mai loa ki loku laupapa o tausi kiate au, io, e lotou tausi loa kiate au.

Oseo 13:9

Ko le nea leia e tupu ai lou maumau, Iselaele, Ko lau agatuu kiate au, ki leia na feala ke saofaki ia a koe.

Levitiko 18:21

Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Amosi 2:7

E lotou loto ke tio ki le efu o le kele i le ulu o le kau fakaaloalofa, Ti e lotou tiaki le tagi a le kau mativa. E ano le vosa mo le tamana ki le taine e tasi, O tupu ke fakakelekele loku suafa maokioki.

Malakia 1:13

E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Malakia 2:8

Kae ko koutou, kua kotou mavae i le ala, Kua kotou fakaliliu le lao ko se nea fakatupu siga ki se toka api, Ti kua kotou maumaui le sai mo Levi, E pati le Eteleno o kau tau.

Loma 2:24

Talie kua lauvelii le suafa o le Atua i le kau pagani o tupu ko koutou, ofaipe lona tuu i le Tosi.