Malakia 1:11 - Tosi Tapu

¹¹ Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Malakia 1:11 ပူးပေါင်းရင်းမြစ်များ

Uluaki tosi o Koloniko 16:25

Talie e lasi le Eteleno ti e gali a ia mo le fakavikiviki, E fakaii a ia i aluga o atua fuli ;

Pesalemo 111:9

Na kakau mai e ia le fakamauli ki lona kakai, Na fakatuu e ia lana sai o lee gato : E maokioki mo fakaii lona suafa.

Pesalemo 113:3

Mei le sopo o le laa ki le galo o le laa, Ke fakavikiviki ki le suafa o le Eteleno !

Pesalemo 138:5

E lotou sua loa a ala o le Eteleno, Talie e lasi le kololia o le Eteleno.

Pesalemo 141:2

Ke fai laku kole i ou mua pe le iseso, Ti ke fai oku lima ala e falo atu kiate koe pe le moliga o le afiafi !

Pesalemo 45:17

E fetogi loa e au fanau ou tamana ; E ke fakanofo loa latou ke pule i le fenua katoa.

Pesalemo 48:10

Ei Atua, e motou manatu ki lou agamalie I loto malie o lou fale tapu.

Pesalemo 48:11

Ofaipe lou suafa, ei Atua, E logo lou fakavikiviki o kaku ki potupotu o le malama nei ! E apele lou lima atamai i le faitotonu.

Pesalemo 50:1

Pesalemo a Asafe. Atua, Atua, le Eteleno, ke ke folafola, ti ke ke fakatasi le malama nei, Mei le sopoaga o le laa ki le galoaga o le laa.

Pesalemo 65:9

Ko latou ala e nonofo i potupotu o le malama nei e i o tupu ko au nea fakamanamana ; E ke fakaapele le potu esite mo le potu uesite i le fiafia lasi.

Pesalemo 67:2

Ke alofa le Atua kia matou ti ke tapuaki a ia kia matou, Ke fakagigila e ia ona mata kia matou. - Manava.

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Pesalemo 96:8

Kotou tuku ki le Eteleno le kololia o tupu ko lona suafa ! Kotou ave ni moliga, ti kotou ulu ki ona lotoa !

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 12:5

Kotou sua ki le Eteleno, talie kua fai e ia ni nea fulumalilie : Ke iloa latou e le malama nei katoa !

Esaia 19:21

Ti e iloa loa le Eteleno e le kau Esipito, Ti e iloa loa le kau Esipito e le Eteleno i le aso lena ; E lotou fai loa ni sakilifisio mo ni moliga, Ti e lotou fai loa ni fakapapau ki le Eteleno ti e lotou fakasoko loa latou.

Esaia 30:27

Ko leinei, e au le suafa o le Eteleno mei mamao ; Kua vevela lona sausau, ofaipe se vela makeke ; Kua apele ona laugutu i le sausau, Ti kua fai lona alelo pe se afi kaka.

Esaia 45:6

E tupu ke iloa mei le sopoaga o le laa o kaku ki le galoaga o le laa, E leaise tasi ake Atua iate au : Ko au ko le Eteleno, ti e leaise tasi ake.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 59:19

Ti e i loa ki le suafa o le Eteleno mei le sopoaga o le laa, Ti mo lona kololia mei le toaga o le laa. Ka au loa le fili ofaipe se vaitafe, E kapu loa a ia e le Laumalie o le Eteleno.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Selemia 10:6

E leaise tasi e tatau mo koe, Eteleno ! E ke lasi, ti e lasi lou suafa o tupu ko lou mafimafi.

Selemia 10:7

Ko ai e leaise i loa kiate koe, sau o atu puleaga ? Ko koe leia e tonu ke fai ki ai le i ; Talie e leaise tatau se tasi mo koe I le kau poto fuli o atu puleaga ti mo olatou puleaga fuli.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Taniela 2:45

Ko lena le uiga o le fa fatu leia na ke tio na mataaki mei le mauga ti na leaise tokoi ki ai se lima, leia na momoi ia le ukamea, mo le sila, mo le kele, mo le siliva, mo le aulo. Kua fakasa e le Atua lasi ki le sau le nea leia ka soko loa ki muli. E maoki le moe miti, ti e maoki lona fakamatala.

Amosi 9:12

O tupu ke lotou maua le toega o Etome ti mo atu puleaga fuli Ala kua kalagai ai loku suafa, E pati le Eteleno, leia e fakasoko ia loa a nea ana.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Sofoni 3:9

I le aso lena, e kau soli loa ki kakai ni laugutu mea, O tupu ke lotou fetapa fuli ki le suafa o le Eteleno, Ti ke lotou tausi kiate ia i se loto e tasi.

Sakalia 8:7

Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Malakia 3:3

E tonatona loa a ia ki lalo, e saka loa e ia, ti e fakamea loa e ia le siliva ; E fakamea loa e ia a vosa o Levi, E fakamea loa e ia latou ofaipe le fakamea o le aulo mo le siliva, Ti e lotou fai loa ki le Eteleno ni moliga i le faitotonu.

Numelo 7:74

mo se ipu aulo e kau agafulu fa sikele leia kua apele i le kaloni fakamanogi ;

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Mateo 8:11

Ti e kau fakasa atu kia koutou, e au loa se toka api mei le sopoaga o le laa mo le viloaga o le laa, ti e lotou eke loa i le laupapa mo Apalaamo, mo Isaake, ti mo Sakopo i le Puleaga o Selo.

Luka 1:10

Na nofo le kakai katoa o faikole i fafo i le momoli o le nea fakamanogi.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Lua tosi ki le kau Tesalonika 1:12

Ti e fakakololiai loa le suafa o lotatou Aliki ko Sesu ia koutou, ti e fakakololiai loa koutou iate ia, o fakatatau ki le kalasia o lotatou Atua ti mo le Aliki ko Sesu-Kilisito.

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.