Malakia 1:10 - Tosi Tapu

¹⁰ Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Malakia 1:10 ပူးပေါင်းရင်းမြစ်များ

Lua tosi o Sau 12:6

Kae na soko loa, i le kau lua tupu tolu fetuu o le sau o Soasi, na leaise fau fua e tagata faisakilifisio a potu ala na tonu ke fau.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Selemia 14:10

Ko leinei le nea leia kua fakasa e le Eteleno o uiga mo le kakai leinei : E lotou manako ki le makape saele, E leaise lotou iloa le tataofi o olatou vae ; E leaise malie ia e le Eteleno le nea lena, E manatui e ia alotou agaveli i le aso nei, Ti e tautea e ia alatou agasala.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Malakia 1:13

E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Malakia 2:12

E motusi loa e le Eteleno le tagata leia e fai ia le nea lena, leia e alaala mo leia e tali, E motusi loa e ia a ia i falela o Sakopo, Ti motusi loa e ia leia e fai ia se moliga Ki le Eteleno o kau tau.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Soane 10:12

Kae ko le tagata gaoi totogi, leia e leaise ko le tagata tausi ovi ti e leaise maua ia le kau ovi, e tio ki le au a le lupo, ti e tiaki e ia le kau ovi, kae sola a ia ; ti e osofi e le lupo le kau ovi, o veteki latou.

Uluaki tosi ki le kau Kolinto 9:13

Pe leaise kotou iloa ko latou ala e fai ia a gaoi tapu e fagai e le fale tapu, ti ko latou ala e tausi i le aletale e kau ki nea o le aletale ?

Filipe 2:21

talie e lotou afa fuli a nea ala e aoga kia latou, kae leai a nea ala e aoga kia Sesu-Kilisito.

Epelo 10:38

Ti e mauli loa laku tagata agatonu i le tui. Kae kapau e solomuli a ia, e leaise fiafia loa loku laumalie iate ia.

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;