Lute 1:6 - Tosi Tapu

⁶ Ti na tuu ake loa Naomi, a ia mo ona fugao, ke lotou mavae i le fenua o Moape, talie na logo loa a ia i le fenua o Moape kua asiasi le Eteleno ki lona kakai ti kua soli e ia se pane kiate ia.

Lute 1:6 ပူးပေါင်းရင်းမြစ်များ

Senesi 21:1

Na manatu loa le Eteleno ki le nea leia na fakasa e ia kia Sala, ti na fakasoko loa e le Eteleno kia Sala lana fakapapau.

Senesi 28:20

Ti na fai loa e Sakopo lana fakapapau, o pati : Kapau e nofo le Atua mo au, o taupau au i le fanoga leia e kau fai, kapau e tuku mai e ia kiate au se pane ke kau kai mo ni teu ke kau lava,

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 50:25

Ti na pati loa Sosefo ki fanau a Iselaele : Kotou fakapapau mai kiate au, e kotou ave loa oku ivi ke mamao i leinei, i le aso leia e fakatele ai loa le Atua kia koutou.

Pesalemo 102:14

E ke tuu ake loa ki aluga, ti e ke alofa loa ki Sione ; Talie kua tatae le temi ke alofa ai kiate ia ;

Pesalemo 111:5

Na soli e ia se nea kai kia latou ala e i kiate ia ; E manatui e ia lana sai o lee gato.

Pesalemo 132:15

E kau tapuaki loa ki lana nea kai, E kau fagai loa ki le pane lona kau mativa o makona ;

Pesalemo 145:15

E amanaki malie kiate koe a mata o tagata fuli, Ti e ke soli kia latou le nea kai i lona temi.

Pesalemo 146:7

E faitotonu a ia kia latou ala na fakavelivelii. E soli e ia se pane kia latou ala e pakupaku. E saofaki e le Eteleno le kau popula.

Pesalemo 147:14

E toe tuku e ia le tokamalie ki lou fenua, E fakamakona e ia a koe ki le fulumeto saosaoa.

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Taagapati 30:8

Fakamamao iate au le kaka mo le masau loi ; Aua na ke tuku kiate au le mativa, pe ko le mou koloa, Soli mai kiate au le pane leia e aoga kiate au,

Esaia 55:10

Talie e faipe le ua mo le nive e ifo mei le atu lagi, Ti e leaise toe liliu ki ai Kae e leikiaise fakavai ia mo fakagako ia le kele, ti mo fakasosomo ia a laakau, Kae e leikiaise soli ia se pulapula ki le tagata to pulapula Ti mo se pane ki leia e kai,

Selemia 29:10

Kae ko leinei le nea leia e fakasa e le Eteleno : Ka sili loa ni fetuu e kau fitu o Papilone, e kau toe manatui loa koutou, ti e kau fakasoko loa kia koutou laku folafola malie, o kau toe aumai loa koutou ki le ganea leinei.

Soele 2:19

E tali le Eteleno, ti e pati a ia ki lona kakai : Ko leinei, e kau soli atu loa kia koutou se fulumeto, Mo se vino, mo se lolo, Ti e kotou makona loa ; Ti e leaise kau toe tuku loa koutou ki le luma i lotolotoga o atu puleaga.

Sofoni 2:7

Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.

Mateo 6:11

Soli mai kia matou i le aso nei le pane o aso taki tasi ;

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Luka 19:44

Ti e lotou maumaui katoa loa a koe, io, a koe mo lou kakai ; ti e leaise lotou tuku loa se fatu i aluga o se tasi a fatu, o tupu na leaise ke iloa le aso leia na fakatele ai kiate koe.

Uluaki tosi kia Timoteo 6:8

koia kapau e tou maua ai le nea kai mo le nea lava, ti e tou feauga loa i ai.

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Lute 1:5

Na toe mamate loa Makelone mo Kilisone, ti na nofo toka tasi loa Naomi, kua pupuli ona tama e toka lua mo lona avaga.

Lute 1:7

Na mavae loa a ia i le ganea leia na nofo ai, mo ona fugao, ti na lotou kamata saele loa i le ala ke toe liliu ki le fenua o Suta.

Uluaki tosi a Samuele 2:21

Na tapuaki loa le Eteleno kia Ana, ti na faitoe loa a ia, ti na toe fanaui loa e ia a tamaliki e toka tolu mo taineliki e toka lua. Ti na tupu loa Samuele o lasi i mua o le Eteleno.