Luka 9:60 - Tosi Tapu

⁶⁰ Kae na pati loa Sesu kiate ia : Tuku le kau mate ke tanu ia olatou mate ; kae ko koe, ano o fakasa le puleaga o le Atua.

Luka 9:60 ပူးပေါင်းရင်းမြစ်များ

Mateo 4:23

Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Mateo 8:22

Kae na tali loa Sesu kiate ia : Muli mai iate au, ti tuku le kau mate ke tanu ia olatou mate.

Luka 15:24

talie ko loku vosa leinei na mate, ti kua toe mauli a ia ; na puli a ia, ti kua toe maua a ia. Ti na lotou kamata fakafiafia loa.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Uluaki tosi ki le kau Kolinto 9:16

Kapau e kau fakasa le Evaselio, e leaise tonu ke kau fakakololia i ai, talie kua tuku mai a ia kiate au, ti e malaia kiate au mo kapau e leaise kau fakasa le Evaselio !

Efeso 2:1

Na kotou mamate i akoutou patigataa mo akoutou agasala,

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.

Lua tosi kia Timoteo 4:5

Kae ko koe, fakapotopoto i nea fuli, kataki a mamae, fai le gaoi a se evaselisita, fai ke katoa malie lau gaoi.

Apokalipisi 3:1

Tosi ki le aselo o le Ekelesia o Salete : Ko leinei le nea leia e pati ki ai leia e nofo mo Laumalie e fitu o le Atua ti mo fetuu e fitu : E kau iloa au gaoi. E kau iloa e ke maua le igoa e ke mauli, kae e ke mate.