Luka 9:59 - Tosi Tapu

⁵⁹ Ti na pati loa a ia ki le tasi : Muli mai iate au. Ti na tali loa le tagata lena : Aliki, fakataga mai ke kau ano mua o tanu loku tamana.

Luka 9:59 ပူးပေါင်းရင်းမြစ်များ

Uluaki tosi o Sau 19:20

Ti na tuku loa e Eliseo ana pipi, kae na makape loa a ia i muli o Elia, o pati : Tuku mai mua kau ano o sogi ki loku tamana mo loku tinana, ti e kau muli atu loa iate koe. Na tali loa Elia kiate ia : Ano, ti ke toe liliu mai ; talie ke ke manatu ki le nea leia kua kau fai kiate koe.

Akeseo 1:2

E folafola le Eteleno o kau tau : E pati le kakai leinei : E leikiaise soko mai le temi, le temi ke toe laga ai le fale o le Eteleno.

Mateo 16:24

Na pati loa Sesu ki ana tisipulo : Ko leia e fia muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Mateo 9:9

I lana ano ki se tasi ake ganea, na tio loa Sesu ki se tagata leia na ekeeke i le pilo o tukusau, ti na igoa a ia ko Mateo. Na pati loa Sesu kiate ia : Muli mai iate au ! Na tuu ake loa le tagata lena ki aluga, ti na muli loa a ia iate ia.

Luka 9:60

Kae na pati loa Sesu kiate ia : Tuku le kau mate ke tanu ia olatou mate ; kae ko koe, ano o fakasa le puleaga o le Atua.