Luka 9:56 - Tosi Tapu

⁵⁶ Talie na leaise au le Vosa o le tagata ke fakapuli a mauli o tagata, kae ke fakamauli latou. Ti na lotou ano loa ki se tasi ake kolo.

Luka 9:56 ပူးပေါင်းရင်းမြစ်များ

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 18:11

Talie na au le Vosa o le tagata o saofaki le nea leia kua puli.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Mateo 5:39

Kae ko au, e kau pati atu kia koutou ke aua na kotou fakatutuu ki le tagata agaveli. Kapau e paai a koe e se tasi i lou kalaafau atamai, tuku ake kiate ia mo leia ake kalaafau.

Luka 19:10

Talie kua au le Vosa o le tagata ke afa mo fakamauli le nea leia kua puli.

Luka 22:51

Kae na pati loa Sesu kia latou : Kua feauga, taofi ! Ti na fafa loa a ia ki le taliga o le tagata lena, o fakamauli a ia.

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Luka 9:55

Na mafuli loa Sesu o valoki laua, o pati : E leaise kolua iloa le laumalie leia e taki ia koulua.

Luka 9:57

I lalatou ano i le ala, na pati loa se tagata kia Sesu : Aliki, e kau muli loa iate koe, i ganea fuli ala e ke ano loa ki ai.

Soane 10:10

E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.

Soane 12:47

Kapau e logo se tasi ki aku folafola, kae e leaise taupau e ia latou, e leaise ko au leia e fakamaaui ia a ia ; talie na leaise kau au o fakamaaui le malama nei, kae o fakamauli le malama nei.

Soane 3:17

Talie na leaise kakau mai e le Atua lona Alo ki le malama nei ke fakamaaui e ia le malama nei, kae ke mauli le malama nei iate ia.

Loma 12:21

Ke aua na ke tuku a koe ke lava i le veli, kae ke ke malo i le veli i le malie.

Uluaki tosi kia Timoteo 1:15

Ko se folafola maoki ti mo gali ke tali, na au Sesu-Kilisito ki malama nei o fakamauli le kau agasala, ti ko au ko le uluaki o latou.