Luka 9:47 - Tosi Tapu

⁴⁷ I le iloa e Sesu le manatu lena i olatou loto, na too loa e ia se ga toe, o fakatuu i ona tafa,

Luka 9:47 ပူးပေါင်းရင်းမြစ်များ

Pesalemo 139:2

E ke iloa mo ka kau tonatona ki lalo, ti mo ka kau tuu ki aluga, E ke ului mei mamao laku manatu ;

Pesalemo 139:23

Ke ke tilo au, ei Atua, ti ke ke iloa loku loto ! Ke ke asiasii au, ti ke ke iloa aku manatu !

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Mateo 12:15

Kae na iloa loa e Sesu le nea lena, ti na fakamamao loa a ia mei le ganea lena. Na muli loa iate ia se kakai toka api. Na fakamauli loa e ia le kau masaki fuli,

Mateo 9:4

Ti na pati loa Sesu, i lana iloa alatou manatu loto : Kolea e kotou maua ai ni manatu veveli i okoutou loto ?

Luka 5:22

Kae i le iloa e Sesu alatou manatu, na masau loa a ia, o pati kia latou : Kolea e kotou maua ai ni manatu fenaaki i okoutou loto ?

Soane 16:30

I leinei kua motou iloa papau e ke iloa a nea fuli, ti e leaise aoga ke fakavesilii a koe e se tasi ; koia kua motou tui ai na ke au mei le Atua.

Soane 2:25

ti talie na leaise aoga ke fakasa ake e se tasi kiate ia se nea o uiga mo se tagata ; talie na iloa e ia le loto o le tagata.

Soane 21:17

Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.