Luka 9:32 - Tosi Tapu

³² Na mamafa ai a mata o Petelo mo ona kaukau nea i le fia momoe ; kae i lalatou alaala, na lotou tio loa ki le kololia o Sesu mo tagata e toka lua ala na tutuu mo ia.

Luka 9:32 ပူးပေါင်းရင်းမြစ်များ

Esaia 60:19

E leaise ko le laa loa leia e fakamalama ia loa a koe i le ao, Ti e leaise ko le masina loa leia e fakamalama ia loa a koe i le pouli ; Talie e liliu loa le Eteleno ko lou malama o lee gato, Ti e liliu loa lou Atua ko lou kololia.

Taniela 10:9

Na kau logo loa ki ana masau ; ti i laku logo ki ana masau, na kau siga loa o fakapulou oku mata ki le kele, ti na kau mata fakapouli loa.

Taniela 8:18

I le lolotoga o lana masau mai kiate au, na kau fakapulou oku mata ki le kele, ofaipe se tasi kua mata fakapouli. Ti na fafa mai loa a ia kiate au, ti na fakatuu loa e ia au ki aluga i le ganea leia na kau nofo ai.

Maleko 14:40

Ti na toe liliu mai loa a ia, o toe maua latou kua momoe ; talie kua mamafa ai olatou mata. Na leaise lotou iloa se nea leia ke tali kiate ia.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Lua tosi a Petelo 1:16

Talie na leaise motou fakasa atu kia koutou le mafimafi mo le toe liliu mai o lotatou Aliki ko Sesu-Kilisito, o mulimuli ki ni talatuku ala na motou fau fakapoto, kae o tupu kua motou tio maoki ki lona kololia ki omatou mata totonu.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.