Luka 9:22 - Tosi Tapu

²² Ti na toe pati loa Sesu : e tonu ke mamae lasi ai le Vosa o le tagata, ti ke tiaki a ia e le kau fakamatuatua, mo le kau pule faisakilifisio, mo le kau sekelipa, ti ke tamate a ia, ti ke toe tuuake loa a ia i le tolu o aso.

Luka 9:22 ပူးပေါင်းရင်းမြစ်များ

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Taniela 9:26

I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Mateo 17:12

Kae e kau pati atu kia koutou kua au Elia, ti na leaise lotou iloa a ia, kae na lotou fai kiate ia o mulimuli ki olatou loto. E toe mamae fenaaki foki le Vosa o le tagata meia latou.

Mateo 17:22

I le lolotoga o lalatou feanoaki i Kalilea, na pati loa Sesu kia latou : E tonu ke tuku le Vosa o le tagata ki lima o tagata ;

Mateo 27:63

o pati : Aliki, e motou manatui na pati le tagata kaka lena ka koi mauli : I le oki o aso e tolu, e kau toe tuuake loa.

Maleko 8:31

Na kamata fakasa loa e Sesu kia latou e tonu ke mamae lasi le Vosa o le tagata, ke tiaki a ia e le kau fakamatuatua o le kakai, mo le kau pule faisakilifisio, mo le kau sekelipa, ti ke tamate a ia, ti ke toe tuuake a ia i le sili o aso e tolu.

Maleko 9:31

Talie na akonaki a ia ki ana tisipulo, o pati kia latou : E tuku loa le Vosa o le tagata ki lima o tagata ; ti e lotou tamate loa a ia. Ti ka oki loa ni aso e tolu ki lona mate, e toe tuuake loa a ia.

Luka 17:25

Kae e tonu ke mamae lasi a ia i mua, ti ke tiaki a ia e le tautupu nei.

Luka 24:26

Pe na leaise tonu ai ke mamae le Kilisito i nea ana, ti ulu loa ki lona kololia ?

Luka 24:44

Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Luka 24:7

o pati : E tonu ke tuku le Vosa o le tagata ki lima o le kau agasala, ke tutuki a ia ki le koluse, ti ke toe tuuake a ia i le tolu o aso.

Luka 9:44

Kia koutou, kotou fakalogo malie mai ki le nea leinei : E tuku loa le Vosa o le tagata ki lima o tagata.

Uluaki tosi ki le kau Kolinto 15:4

ti na tanu a ia, ti na toe tuuake a ia i le aso tolu, o mulimuli ki le Tosi ;

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.