Luka 9:1 - Tosi Tapu

¹ Na fakatasi loa e Sesu le tino agafulu tupu lua, ti na soli loa e ia kia latou le makeke mo le pule ki temonio fuli, ti mo le makeke ke fakamauli ai a masaki.

Luka 9:1 ပူးပေါင်းရင်းမြစ်များ

Mateo 16:19

E kau tuku loa kiate koe a kalavi o le puleaga o Selo : Ko le nea leia e ke sai loa i le kele e sai loa i le atu lagi, ti ko le nea leia e ke tatala loa i le kele e tatala loa i le atu lagi.

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 8:9

Talie, ko au leinei e maua ke fakalogo ki oku pule, e kau pule ki ni tagata solia ; ti e kau pati ki se tasi : Ano !, ti e ano a ia ; ki leia ake : Au !, ti e au a ia ; ti ki laku tagata fakasausau : Fai le nea lena !, ti e fai e ia a ia.

Luka 10:1

I le sili o le nea a ia, na filifili loa e le Aliki ni iki ake tisipulo e tino fitu, ti na kakau loa e ia latou taki toka lua i ona mua ki kolo fuli ti mo ganea fuli ala kua tonu ke ano a ia totonu ki ai.

Luka 10:19

Ke kotou iloa na kau tuku kia koutou le makeke ke takatakafi ai a gata, mo sekolopio, ti mo le makeke katoa o le fili ; ti e leaise mafai loa ke fakavelii koutou e se nea.

Soane 14:12

E maoki, e maoki, e kau pati atu kia koutou, ko leia e tui kiate au, e fai foki e ia a gaoi ala e kau fai, ti e toe fai loa e ia ni gaoi lalasi ake, talie e kau ano ki le Tamana ;

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 3:16

Ti ko lona suafa, ko le tui ki lona suafa, leia kua fakamakeke ia a ia leia e kotou tio ki ai mo iloa ia ; io, ko le tui kia Sesu leia kua soli ia ki le tagata leinei le malolo ki lona tino katoa, i mua okoutou fuli.

Gaoi 4:30

o falo lou lima, o tupu ke fai ni fakamauli, mo ni milakulo, ti mo ni nea fakaofolele i le suafa o lau tagata fakasausau maokioki ko Sesu.

Gaoi 9:34

Na pati loa Petelo kiate ia : Eneo, e fakamauli a koe e Sesu-Kilisito ; tuu ki aluga, o fakatoka lou palepale. Ti na tuu aifai a ia ki aluga.