Luka 8:48 - Tosi Tapu

⁴⁸ Na pati loa Sesu kiate ia : Ei loku taine, kua fakamauli a koe e lau tui ; ano i le tokamalie.

Luka 8:48 ပူးပေါင်းရင်းမြစ်များ

Lua tosi o Sau 5:19

Na pati loa Eliseo kiate ia : Ano i le tokamalie. Na mavae loa Naamane meia Eliseo, o mamao fakaikiiki atu i le ganea lena.

Ekesote 4:18

Na ano loa Moisese ; ti na toe liliu loa a ia kia Setelo, lona tamana, ti na pati loa a ia kiate ia : E kau kole atu kiate koe, ke ke tuku mai au ke kau ano o fakafelavei ki oku fetaina ala e nonofo i Esipito, o tio pe koi lotou mauuli. Na pati loa Setelo kia Moisese : Ano i le tokamalie.

Mateo 12:20

E leaise fatii loa e ia le fa u mafati, Ti e leaise tamate loa e ia le vavai malama leia e afu, O kaku ki lana fakasoko ke malo le faitotonu.

Mateo 8:13

Ti na pati loa Sesu ki le setulio : Ano, ti ke fai kiate koe, ofaipe lau tui. Ti na mauli loa le tagata fakasausau i le ola totonu lena.

Mateo 9:2

Ti ko leinei, na aumai loa kiate ia se tagata palalisia leia na moe i se palepale. I lana tio ki lalatou tui, na pati loa Sesu ki le tagata palalisia : Ke ke loto makeke, ei laku fanau, kua fakamolemole au agasala.

Mateo 9:22

Na mafuli loa Sesu, o pati, i lana tio kiate ia : Ke ke loto makeke, ei loku taine, kua fakamauli a koe e lau tui. Ti na mauli loa le fafine lena i le ola fai lena.

Maleko 5:34

Kae na pati loa Sesu kiate ia : Ei loku taine, kua saofaki a koe e lau tui ; ano i le tokamalie, talie kua ke mauli i lou masaki.

Luka 17:19

Ti na pati loa Sesu kiate ia : Tuu ki aluga, ano ; kua fakamauli a koe e lau tui.

Luka 18:42

Ti na pati loa Sesu kiate ia : Tio, kua fakamauli a koe e lau tui.

Luka 7:50

Kae na pati loa Sesu ki le fafine : Kua fakamauli a koe e lau tui, ano i le tokamalie.

Luka 8:47

Ko le fafine, i lana tio kua iloa a ia, na au loa kua lulu o punou ki vae o Sesu, ti na fakasa loa e ia i mua o le kakai katoa le tupuaga o lana fafa kia Sesu, ti mo le nea leia kua soko kiate ia o tupu ai lona mauli fakapunamauli.

Gaoi 14:9

Na fakalogo a ia ki le masau a Paulo, leia na tio fakamaumau loa kiate ia, o iloa loa e ia kua maua e ia le tui ke mauli ai,

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Epelo 4:2

Talie kua fakasa le logo malie lena kia tatou ofaipe latou ; kae na leaise aoga kia latou le folafola leia na lotou logo ki ai, talie na leaise maua se tui ia latou ala na logo ki ai.

Uluaki tosi a Samuele 1:17

Na masau loa a Eli, o pati : Ano i le tokamalie, ti ke tali e le Atua o Iselaele lau kole leia kua fai kiate ia !