Luka 8:39 - Tosi Tapu

³⁹ Toe liliu ki lou fale, o fakamatala a nea fuli ala na fai e le Atua kiate koe. Ti na ano loa le tagata o fakasa i le kolo katoa a nea fuli ala na fai e Sesu kiate ia.

Luka 8:39 ပူးပေါင်းရင်းမြစ်များ

Pesalemo 66:16

Kotou au, kotou fakalogo, koutou fuli ala e i ki le Atua, ti e kau fakamatala loa Le nea leia na fai e ia ki loku laumalie.

Maleko 1:45

Kae na ano loa le tagata lena, ti na kamata fakasa loa e ia mo fakamafola i ganea fuli le nea leia na soko kiate ia. Koia na leaise toe mafai ai le ulu fakalauatea a Sesu ki se kolo. Na nofo a ia i tua kolo, i ni ganea lavaki, ti na au kiate ia mei potu fuli.

Maleko 5:18

I lana sopo ki le vaka, na kole ake loa kiate ia e le tagata leia na avagaia ke fakataga ake kiate ia ke nofo mo ia.

Maleko 5:19

Na leaise fakataga loa e Sesu kiate ia le nea lena, kae na pati loa a ia kiate ia : Ano ki lou fale, ki lou famili, ti ke fakamatala kia latou a nea fuli ala na fai e le Aliki kiate koe, pe na feaki lona manavaalofa kiate koe.

Luka 8:38

Ko le tagata leia na mavae ai le kau temonio, na kole ake loa kia Sesu ke fakataga ake ke nofo a ia mo ia. Kae na kakau loa a ia e Sesu, o pati :

Luka 8:40

I lana toe liliu mai, na fakatalitali loa Sesu e le kakai, talie na talitali le kakai katoa kiate ia.

Soane 4:29

Kotou au o tio ki se tagata na fakasa ia mai kiate au a nea fuli ala na kau fai ; pe leaise ko le Kilisito a ia ?

Tetelonome 10:21

Ke ke tuku le fakavikiviki ki le Eteleno, talie ko ia ko lou Atua : Ko ia leia na fai ia a gaoi lalasi mo fakaii fuli ana i loto malie o ou, ala na tio ki ai ou mata.

Uluaki tosi kia Timoteo 5:8

Kapau e leaise tokaga se tasi kia latou o lona fale, kae tafito latou o lona famili, kua tiaki e ia le tui, ti e veli ake a ia i se pagani.