Luka 8:37 - Tosi Tapu

³⁷ Ti na kole loa e le kakai katoa o le fenua o le kau Katala kia Sesu ke fakamamao a ia meia latou, talie na lasi ai lolatou i. Ti na sopo loa Sesu ki le vaka, o toe liliu.

Luka 8:37 ပူးပေါင်းရင်းမြစ်များ

Uluaki tosi o Sau 17:18

Na pati loa le fafine kia Elia : Kolea le nea kua veli i lota vasaa, tagata a le Atua ? Pe na ke au ki loku kaiga o fakamanatu laku agaveli ti mo fakamate loku tama ?

Mateo 8:34

Na au loa le kolo katoa o fakafelavei kia Sesu ; i lalatou tio kiate ia, na lotou kolekole loa kiate ia ke mavae a ia i lolatou fenua.

Maleko 5:17

Ti na lotou kolekole loa kia Sesu ke mavae i lolatou fenua.

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Luka 5:8

I le tio a Simone Petelo ki le nea lena, na tutuli loa a ia o punou ki le kele i mua o Sesu, o pati : Aliki, fakamamao atu iate au, talie ko au ko se tagata agasala,

Luka 8:28

I lana tio kia Sesu, na kalaga loa a ia, ti na fakapulou loa a ia ki ona vae, o tagi leo lasi : Sesu, Alo o le Atua Taualuga, kolea iate au mo koe ? E kau kole atu kiate koe ke aua na ke fakamamae au.

Luka 8:36

Ko latou ala na tio mata ki le nea katoa na soko, na fakamatala ia loa ki le kakai le fakamauli o le tagata avagaia.

Luka 8:38

Ko le tagata leia na mavae ai le kau temonio, na kole ake loa kia Sesu ke fakataga ake ke nofo a ia mo ia. Kae na kakau loa a ia e Sesu, o pati :

Luka 9:5

Ti kapau e leaise tali koutou e le kakai, kotou mavae mei le kolo lena, ti kotou tutui le efu i okoutou vae, ko se fakamaoki a ia kia latou.

Luka 9:56

Talie na leaise au le Vosa o le tagata ke fakapuli a mauli o tagata, kae ke fakamauli latou. Ti na lotou ano loa ki se tasi ake kolo.

Gaoi 16:39

Ti na lotou au loa o fakakolekole laua, mo fakamavae laua i le pilisoni, ti mo kolekole kia laua ke la mavae i le kolo.

Tetelonome 5:25

Kae kolea e tuku ai loa matou ke mamate i le aso nei ? E tutu loa matou e le afi lasi lena. Kapau e motou toe logo loa ki le leo o le Eteleno, lomatou Atua, ti e motou mamate loa.

Uluaki tosi a Samuele 6:20

Na pati loa le kakai o Pete-Semesi : Ko ai loa e feala ke mauli i mua o le Eteleno, o le Atua maokioki lena ? Ti ko ai loa e tonu ke ave ki ai le aleka, ke mamao mo tatou ?