Luka 8:27 - Tosi Tapu

²⁷ I le sopo a Sesu ki uta, na au loa ki ona mua se tagata o le kolo lena, leia na ulu tino ai se kau temonio. Talu mei fualoa na leai se toe tui e ia se kofu, ti na leaise nofo a ia i se fale, kae i ni tanuma.

Luka 8:27 ပူးပေါင်းရင်းမြစ်များ

Esaia 65:4

Leia e fai lona nofoaga i ni tanuma, Ti e moe i pouli i ana, O kai a inati o puaka Ti mo tanaki i alatou ipu ni nea kai kelekele ;

Numelo 19:16

Ko leia e lave loa i le vao ki se tagata leia na tamate e le seleta, pe ki se tasi leia na mate toka tasi, pe ki ni ivii tagata, pe ki se tanuma, e kelekele loa a ia i aso e fitu.

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Maleko 5:15

Na lotou au loa kia Sesu, ti na lotou tio loa ki le tagata leia na nofo ai le lesio kua tonatona, kua teuteu, ti kua malama lona atamai ; ti na lotou i lasi loa.

Luka 8:26

Na lotou kaku loa ki le fenua o le kau Katala, leia e agaaga ki Kalilea.

Luka 8:28

I lana tio kia Sesu, na kalaga loa a ia, ti na fakapulou loa a ia ki ona vae, o tagi leo lasi : Sesu, Alo o le Atua Taualuga, kolea iate au mo koe ? E kau kole atu kiate koe ke aua na ke fakamamae au.

Uluaki tosi a Samuele 19:24

Na tatala loa e ia ona teu, ti na folafola fakakikite loa a ia i mua o Samuele ; ti na teka telefua loa a ia ki le kele, o nofo fenaaki i le aso katoa lena mo le po katoa. Koia e pati ai : Pe kau foki Saulo i le kau polofeta ?