Luka 8:2 - Tosi Tapu

² Ti na ano mo ia le tino agafulu tupu lua ti mo ni fafine ala na fakamauli mei ni laumalie veli mo ni masaki : Ko Malia, na fakaigoa ko Malia mei Maketala, leia na mavae mei ai ni temonio e fitu,

Luka 8:2 ပူးပေါင်းရင်းမြစ်များ

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Maleko 16:1

I le sili o le sapato, ko Malia mei Maketala, mo Malia tinana o Sakopo, ti mo Salome, na totogi ia loa ni nea fakamanogi, ke lotou ano o fakamanogi Sesu.

Maleko 16:9

Na toe tuuake Sesu i le usu o le uluaki aso o le vasaa, ti na uluaki sa loa a ia kia Malia mei Maketala, leia na kapu ai e ia ni temonio e fitu.

Luka 23:27

Na mulimuli iate ia se kakai toka api ai ti mo ni fafine ala na pa ia olatou fatafata, o tagi laulau kiate ia.

Luka 23:49

Ko kaukau nea fuli o Sesu, ti mo fafine ala na mulimuli iate ia mei Kalilea, na tutuu loa mei mamao, o tio ki nea ana.

Luka 23:55

Ko fafine, ala na au mo Sesu mei Kalilea, na mulimuli loa ia Sosefo ; ti na lotou tio loa ki le tanuma ti mo le tuku o le tino o Sesu.

Luka 8:30

Na vesili loa Sesu kiate ia : Ko ai lou igoa ? Na tali loa a ia : Ko Lesio. Talie na toka api ai le kau temonio leia kua ulu tino iate ia.

Soane 19:25

Na tutuu, o ofi ki le koluse o Sesu, lona tinana, mo le taina o lona tinana, Malia, avaga o Kolopasi, ti mo Malia mei Maketala.

Gaoi 1:14

Na lotou loto tasi fuli o kataki fualoa i le faikole, fakatasi mo fafine, mo Malia, tinana o Sesu, ti mo fetaina o Sesu.