Luka 8:15 - Tosi Tapu

¹⁵ Ko leia e maluku ki le kele malie, ko latou ala e logo ki le folafola i se loto agatonu mo malie, ti e taofi ia a ia, ti e fua o tupu ko le kataki fualoa.

Luka 8:15 ပူးပေါင်းရင်းမြစ်များ

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:29

E ulu loa ki le kolo leinei le kau Kaletea leia e taui ia a ia, E lotou tutu loa a ia ki le afi, ti e vela loa a ia Mo fale ala na momoli ai le iseso kia Paale i aluga o ato, Ti na fai ai ni lipasio ki ni atua kese, O tupu ke fakatupu ai loku sausau.

Mateo 24:13

Kae ko leia e kataki fualoa loa o kaku ki le fakaoki, e saofaki loa.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 6:45

E too e le tagata agamalie le malie mei le koloa malie o lona loto, ti e too e le tagata agaveli le veli mei le koloa veli o lona loto ; talie e masau le gutu mei le mou o le loto.

Luka 8:14

Ko leia e vilo ki loto o le vao talatala, ko latou ala, i le logo ki le folafola, na ano, o tuku a ia ke taotao e tuania, mo koloa, mo fiafia o le mauli, ti e leaise lotou maua se fua leia e kaku o matua.

Luka 8:16

E leaise tutu e se tasi se malama ke fakapulou ki se kisi, pe ke velo i lalo o se palepale ; kae e teki e ia a ia ki aluga o le tekiaga malama, o tupu ke tio ki ai latou ala e ulu mai ki loto fale.

Soane 14:15

Kapau e kotou alofa kiate au, kotou fai aku fakatotonu.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 7:18

E kau iloa e leaise nofo iate au le nea e malie, ko lona uiga i loku kanofi : Talie e kau maua ia le loto fia fai ki le nea e malie, kae e leai le mafai.

Loma 7:4

Koia, ei oku fetaina, ko koutou foki, kua kotou mamate, i le tino o Kilisito, ki nea o le lao, o tupu ke kotou fakalogo ki se tasi ake, ki leia kua toe tuuake mei le kau mate, talie ke tou maua ni fua ki le Atua.

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.

Uluaki tosi ki le kau Kolinto 7:19

Ko le nea noa le silikosisio, ti ko le nea noa le lee silikosisio, kae ko le nea leia e mauiga ko le fakalogo ki fakatotonu a le Atua.

Efeso 2:8

Talie na fakamauli koutou i le kalasia, ki le tui. Ti e leaise au le nea lena meia koutou, ko le nea alofa a ia o le Atua ;

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,

Epelo 10:36

Talie e aoga kia koutou le kataki fualoa, o tupu, ka oki loa lakotou fai le finegalo o le Atua, ke kotou maua le nea leia kua fakapapau atu kia koutou.

Epelo 2:1

Koia e tonu ai ke tou asilisili pipiki ki nea ala kua tou logo ki ai, ke aua na tou tafea mamao meia latou i se aso.

Sakopo 1:4

Kae e tonu ke fakasoko e le kataki fualoa lana gaoi, o tupu ke kotou malie tukupau mo katoa, ti ke aua na puli se nea ia koutou.

Uluaki tosi a Soane 2:3

Kapau e tou fakalogo ki ana folafola, e tou iloa i ai kua tou iloa a ia.