Luka 8:13 - Tosi Tapu

¹³ Ko latou ala na maluku i le ganea fatufatua, ko latou ala, i lalatou logo ki le folafola, na tali ia a ia i le fiafia ; kae e leaise lotou maua ia se aka, ti e lotou tui fua i se ga temi, ti e lotou siga i le lakaga o le fakasala.

Luka 8:13 ပူးပေါင်းရင်းမြစ်များ

Sopo 19:28

E kotou pati loa : Kolea e tou fakamamae ai a ia ? Talie e fakamaoki loa a ia ki loku agatonu.

Taagapati 12:12

Ko le tagata agaveli e manumanu ki nea ala e totogi e le kau agaveli, Kae e fua le aka o le kau agatonu.

Taagapati 12:3

E leaise fakamakeke le tagata e le agaveli, kae e leaise toe siga loa le aka o le kau agatonu.

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Esekiele 33:32

Ko leinei, e ke fai kia latou pe se tagata sua malie, leia e leo malie, ti e poto i le fai musika. E lotou fakalogo ki au masau, kae e leaise lotou fai fua latou.

Oseo 6:4

Kolea e kau fai loa kiate koe, Efalaimi ? Kolea e kau fai loa kiate koe, Suta ? Ko lokoutou alofa kiate au e faipe le kokofu i le usu, Pe le sasau leia e puli vave !

Maleko 6:20

Kae na leaise mafai e ia o tupu ko Elote. Ti na i Elote kia Soane, talie na iloa e ia ko se tagata agamalie a ia mo maokioki ; ti na puipui e ia Soane. I lana logo kiate ia, na tua lasi le mamae o lona loto, kae na fia logo tuumau a ia kiate ia.

Luka 8:12

Ko latou ala i tafatafa o le ala, ko latou ala e logo, ti au le Tiapolo o too le folafola i olatou loto, o tupu ke aua na lotou tui ti ke fakamauli latou.

Luka 8:14

Ko leia e vilo ki loto o le vao talatala, ko latou ala, i le logo ki le folafola, na ano, o tuku a ia ke taotao e tuania, mo koloa, mo fiafia o le mauli, ti e leaise lotou maua se fua leia e kaku o matua.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Soane 5:35

Ko Soane ko le malama leia e ula mo malama, ti na kotou loto ke kotou fakafiafia i se ga temi ikiiki i lona malama.

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Uluaki tosi ki le kau Kolinto 15:2

leia foki kua kotou saofaki ai, mo kapau e kotou taofi a ia ofaipe laku akonaki atu a ia kia koutou ; ka leai, na kotou tui noa.

Kalate 3:1

Ei kau Kalate valelea ! Ko ai lena kua fakauluvalea ia koutou, ke aua na koutou fakalogo ki le maoki, koutou ala na fakasa tautonu ki okoutou mata a Sesu-Kilisito leia na tutuki i le koluse ?

Kalate 3:4

Pe na kotou kataki noa a mamae fuli ? Mo kapau e feala ke noa a ia !

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Uluaki tosi ki le kau Tesalonika 3:5

Koia, i loku le leaise koi mafai laku kataki, na kau kakau loa se tasi ke fakasa ia mai kiate au le anoaga o lakoutou tui, talie na kau i na fakasalai koutou e le fili kae ano noa lamatou gaoi.

Uluaki tosi kia Timoteo 1:19

o ke taupau le tui, ti mo se atamai malie, leia kua tiaki e ni iki, o tupu ai le maumau o lalatou tui.

Epelo 10:39

Ko tatou, e leaise tou kau kia latou ala e toe liliu ki muli ke pulinoa, kae e tou kau kia latou ala e maua ia le tui ke saofaki ai olatou laumalie.

Sakopo 2:26

Ofaipe le tino sala laumalie e mate, ko le tui sala gaoi e mate foki.

Lua tosi a Petelo 2:20

Koia, kapau i le oki o lolatou mavae mei nea kelekele o le malama nei, o tupu kua lotou iloa le Aliki mo le Fakamauli ko Sesu-Kilisito, e lotou toe tuku loa a nea ana ke toe too ia latou, ti ke toe malo ia latou, e toe veli ake loa lolatou mauli fakamuli i le uluaki.

Lua tosi a Petelo 2:22

Kua soko kia latou le nea leia e pati ki ai le taagapati maoki : Kua toe liliu le kuli ki le nea leia na luluai e ia, ti kua toe uku ki le pela le tigamanu leia kua mea.

Uluaki tosi a Soane 2:19

Na lotou malaga ki aluga mei loto malie o tatou, kae na leaise lotou kau ia tatou ; talie kapau na lotou kau ia tatou, na lotou nonofo loa mo tatou, kae na soko le nea lena, o tupu ke fakasa ai e leaise lotou kau fuli ia tatou.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.