Luka 8:1 - Tosi Tapu

¹ Ti na sili a ia, na ano loa Sesu ki kolo lalasi mo kolo liliki, o akonaki le folafola ti mo fakasa le logo malie o le Puleaga o le Atua.

Luka 8:1 ပူးပေါင်းရင်းမြစ်များ

Mateo 11:1

I le oki o le tuku e Sesu o ana akonaki ki ana tisipulo e tino agafulu tupu lua, na mavae loa a ia i lena, o akonaki ti mo fakasa le folafola i kolo o le fenua.

Mateo 13:19

Ka logo se tagata ki le folafola o le Puleaga kae e leaise matala a ia ki ai, e au le pule veli o too le nea leia na muluki i lona loto : Ko le tagata lena leia na tali ia le fakaili i tafatafa o le ala.

Mateo 4:23

Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Mateo 9:35

Na feanoaki Sesu i kolo lalasi fuli mo kolo liliki, o akonaki i sinakoka, mo fakasa le logo malie o le puleaga, ti mo fakamauli a masaki fuli ti mo maimoa fuli.

Maleko 1:39

Ti na ano loa a ia o akonaki i sinakoka, i Kalilea katoa, ti na kapu loa e ia le kau temonio.

Luka 1:80

Ti na tupu le toe o lasi, ti na fakamakeke a ia i le laumalie. Ti na nofo loa a ia i toafa o kaku ki le aso leia na tuu ai loa a ia i mua o Iselaele.

Luka 20:1

I se aso o aso ana, na akonaki Sesu ki le kakai i le fale tapu, o fakasa le logo malie, kae na au loa kiate ia le kau pule faisakilifisio ti mo le kau sekelipa, ti mo le kau fakamatuatua,

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Luka 9:6

Na ano loa le kau tisipulo, ti na lotou fakalaka loa i kolo liliki fuli, o fakasa le logo malie, ti mo fakamauli a masaki i ganea fuli.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 13:32

Ti ko maua, e ma fakasa atu kia koutou le logo malie leinei : ko le fakapapau leia na fai e le Atua ki otatou tamana,

Loma 10:15

Ti e feaki loa ke maua ni tagata fai akonaki, mo kapau e leaise kakau latou ? Ofaipe lona tuu i le Tosi : E lotou fulumalilie ai Avae o latou ala e fakasa ia le tokamalie Olatou ala e fakasa ia ni logo malilie.