Luka 7:44 - Tosi Tapu

⁴⁴ Ti na mafuli loa Sesu ki le fafine, mo pati kia Simone : E ke tio ki le fafine leinei ? Na kau ulu mai ki lou fale, ti na leaise ke soli mai kiate au se ga vai ke fufulu ai oku vae ; kae ko ia, kua fakasusu e ia laua ki ona loimata, ti kua solosolo e ia laua ki lona lauulu.

Luka 7:44 ပူးပေါင်းရင်းမြစ်များ

Senesi 18:4

Tali ke aumai se ga vai ke fufulu ai okoutou vae ; ti mo kotou malolo mua i le lalo laakau leinei.

Senesi 19:2

Ti na pati loa a ia : E kau kole atu kia koulua ke kolua fakamalie o ulu mai ki loku fale, o kolua nonofo ai i le po leinei. E kolua fufulu ai loa okoulua vae, ti o kolua tutuu ake loa i le usu o soko atu lokoulua fanoga. Kae na la tali loa kiate ia : Leai ! E ma nofo fai i le po nei i le lapalasi fakafenua o le kolo.

Senesi 43:24

Ti na fakaulu loa latou e le tagata lena ki le fale o Sosefo. Na tuku loa e ia kia latou se vai ke fufulu ai olatou vae ; ti na soli foki e ia se nea kai ki alatou asino.

Lua tosi a Samuele 11:8

Ti na pati loa Tavite kia Uli : Ifo ki lou fale, ti ke fufulu ou vae. Na mavae loa Uli mei le fale sau, ti na muli atu loa iate ia se nea alofa.

Luka 7:38

ti na ano loa a ia o nofo i vae o Sesu, mei muli. Na tagi a ia, ti na kamata fakasusu loa e ia a vae o Sesu ki ona loimata, ti na solo loa e ia laua ki lona lauulu, o sogi ki ai, ti na takai loa e ia laua ki le kaloni.

Luka 7:43

Na tali loa Simone : E kau masalo, ko leia na lasi lona maua. Na pati loa Sesu kia Simone : E tonu lau tio.

Soane 13:5

Ti na liligi loa e ia se vai ki se pesini, ti na kamata loa e ia le fufulu o vae o le kau tisipulo, o solosolo ki le kie solosolo leia na sulu e ia.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Sakopo 2:6

Kae ko koutou, e kotou fakamamae le mativa ! Pe leaise ko le kau mou koloa leia e fakavelivelii ia koutou ti mo ave ia koutou ki telepinale ?

Tuifakamaau 19:21

Ti na fakaulu loa latou e le matua ki lona fale, ti na soli loa e ia se nea kai ki asino. Na fufulu loa e le kau fanoga olatou vae, ti na lotou kai loa ti mo inu loa.

Uluaki tosi a Samuele 25:41

Na tuu ake loa Apikaile ki aluga, o punou ona mata ki le kele, o pati : Ko leinei, e liliu loa lau fafine fakasausau ko se fafine popula ke fufulu ia a vae o tagata fakasausau a loku aliki.