Luka 7:41 - Tosi Tapu

⁴¹ Ti na pati loa Sesu : Na i ai se tagata leia na tuu maua ki ai ni tagata toka lua : Na tuu maua le tasi ki ni fa tenalio e kau lelau lima, ti ko leia ake ki fa tenalio e kau lima.

Luka 7:41 ပူးပေါင်းရင်းမြစ်များ

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Selemia 3:11

E pati mai le Eteleno kiate au : E mata mea le fafine agatuu ko Iselaele Moka fakatatau ki le fafine kaka ko Suta.

Numelo 27:3

Na mate lomatou tamana i le toafa ; na leaise kau a ia i le fakatasi a latou ala na agatuu ki le Eteleno, i le fakatasi a Kole, kae na mate a ia ki lana agasala, ti na leaise maua e ia se vosa.

Mateo 18:28

I lana ulu ki fafo, na felavei loa le tagata fakasausau lena mo se tasi i ona kaukau nea leia na tuu maua kiate ia ko le kau lelau tenalio. Na tapo loa e ia a ia, o kukumi lona ua, o pati : Ui mai lou maua kiate au.

Mateo 6:12

fakamolemole mai ki amatou agasala, ofaipe lamatou fakamolemole foki kia latou ala e agasala mai kia matou ;

Maleko 6:37

Na tali loa Sesu kia latou : Kotou soli e koutou totonu kia latou se nea ke kai. Kae na lotou pati loa kiate ia : Pe motou ano loa o totogi mai ni pane ki ni fa tenalio e kau lelau lua, ti motou soli loa kia latou ke kai ?

Luka 11:4

fakamolemole mai ki amatou agasala, talie e motou fakamolemole foki kia latou ala e agasala mai kia matou ; ti aua na ke tuku matou ki le fakasala.

Luka 12:48

Kae ko leia, na leaise iloa ia le finegalo o le pule, kae na fai e ia ni nea ala e tonu ke tautea, e tamate loa a ia ki ni fa ta teiki. E afa lasi loa ki leia na soli lasi ki ai, ti e fakaala lasi loa ki leia na fanaki lasi ki ai.

Luka 13:4

Ti ko le tino agafulu tupu valu leia na solo ki ai le tule o Siloe, pe kotou manatu na lotou agasala lasi ake i la ake kakai fuli o Selusalemi ?

Luka 7:40

Na masau loa Sesu, o pati ki le tagata faliseo : Simone, e i ai le nea e kau fia pati atu kiate koe. Na tali loa Simone : Pule, masau.

Luka 7:47

Koia e kau pati atu ai kiate koe, kua fakamolemole ana agasala ala na lasi ai ; koia leia na alofa lasi ai a ia. Kae ko leia e fakamolemole ikiiki ki ai e alofa ikiiki.

Loma 3:23

E leaise kese se tasi : Talie kua agasala a tagata fuli ti kua lotou sala i le kololia o le Atua ;

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,