Luka 7:22 - Tosi Tapu

²² Ti na tali loa Sesu kia laua : Kolua ano o fakamatala kia Soane le nea leia kua kolua tio mo logo ki ai : Kua tio a kivi, kua saele a kito, kua mea a kilia, kua logo a tuli, kua toe tuuake a mate, kua fakasa le logo malie ki le kau mativa.

Luka 7:22 ပူးပေါင်းရင်းမြစ်များ

Sopo 29:15

Na kau liliu ko le mata o le tagata kivi, Ti mo le vae o le tagata kito.

Pesalemo 146:8

E fakamavaa e le Eteleno a mata o le kau kivi. E fakatuu e le Eteleno latou ala e mapelu ki lalo. E alofa le Eteleno ki le kau maokioki.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 43:8

Ke fakaulu ki fafo le kakai kivi, leia e maua ia ni mata, Ti mo le kau tulituli, ala e maua ia ni taliga.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Sofoni 3:12

E kau tuku loa i loto malie o ou se kakai agamalu mo mativa, Leia e maua loa lona mumuniaga i le suafa o le Eteleno.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 21:14

Na fakafeofi ake loa kiate ia ni kivi mo ni kito i le fale tapu. Ti na fakamauli loa e ia latou.

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Luka 7:21

I le ola fai lena, na fakamauli loa e Sesu ni kakai toka api i olatou masaki, mo olatou maimoa, ti na kapu loa e ia ni laumalie veli, ti na fakatio loa e ia ni kivi toka api.

Luka 7:23

Manuia leia e leaise tukia loa iate au !

Soane 1:46

Na pati loa Natanaele kia Filipo : Pe feala ke au se nea malie mei Nasaleti ? Na tali loa Filipo kiate ia : Au, o tio.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Gaoi 8:7

Talie na mavae loa ni laumalie veli mei se toka api leia na avagaia, o tagi leo lasi, ti na fakamauli se toka lasi na palalisia mo kito.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?