Luka 7:16 - Tosi Tapu

¹⁶ Na maua loa e le kakai katoa se i, ti na lotou fakakololia loa ki le Atua, o pati : Kua sa se polofeta lasi ia tatou, ti kua fakatele le Atua ki lona kakai.

Luka 7:16 ပူးပေါင်းရင်းမြစ်များ

Pesalemo 65:9

Ko latou ala e nonofo i potupotu o le malama nei e i o tupu ko au nea fakamanamana ; E ke fakaapele le potu esite mo le potu uesite i le fiafia lasi.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Mateo 15:31

ti na ofolele le kakai i le tio kua masau a gutu mate, kua mauli a maimoa, kua saele a kito, kua tio a kivi ; ti na fakakololia loa le kakai ki le Atua o Iselaele.

Mateo 21:11

Na tali loa le kakai : Ko Sesu, le polofeta, mei Nasaleti i Kalilea.

Mateo 28:8

Na la fakamamao fakatavili loa mei le tanuma, i se i ti mo se fiafia lasi, ti na la makape loa, o ave le logo ki le kau tisipulo.

Mateo 9:8

I le tio a le kakai ki le nea lena, na lotou ofolele ai, ti na lotou fakakololia loa ki le Atua, leia kua soli ia ki tagata se pule fenaaki.

Luka 1:65

Ti na vilo loa le i ki le kakai katoa o le potu fenua lena ; ti na masaui loa a nea fuli ana i mauga fuli o Sutea.

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Luka 19:44

Ti e lotou maumaui katoa loa a koe, io, a koe mo lou kakai ; ti e leaise lotou tuku loa se fatu i aluga o se tasi a fatu, o tupu na leaise ke iloa le aso leia na fakatele ai kiate koe.

Luka 2:20

Ti na toe liliu loa le kau tagata tausi manu, o lotou fakakololia loa mo fakavikiviki loa ki le Atua o uiga mo nea fuli ala kua lotou logo mo tio ki ai, talie na soko a nea fuli o mulimuli totonu ki nea ala na fakasa kia latou.

Luka 24:19

Ti na la tali loa kiate ia : Le nea leia na soko kia Sesu mei Nasaleti, leia ko se polofeta makeke i gaoi mo masau i mua o le Atua ti mo mua o le kakai katoa,

Luka 5:26

Na lotou punamauli fuli, ti na lotou fakakololia ki le Atua, ti na lotou apele i le i, o pati : Kua tou tio i le aso nei ki ni nea foou.

Luka 5:8

I le tio a Simone Petelo ki le nea lena, na tutuli loa a ia o punou ki le kele i mua o Sesu, o pati : Aliki, fakamamao atu iate au, talie ko au ko se tagata agasala,

Luka 7:15

Ti na tonatona loa le mate, o kamata masau. Ti na tuku loa a ia e Sesu ki lona tinana.

Luka 7:39

Ko le faliseo leia na fakaafe ia Sesu, i lana tio ki le nea lena, na pati loa i lona loto : Kapau na polofeta maoki le tagata leinei, e iloa loa e ia pe ko ai le fafine leia e fafa kiate ia, mo lona anoaga totonu : ko se fafine agasala.

Luka 8:37

Ti na kole loa e le kakai katoa o le fenua o le kau Katala kia Sesu ke fakamamao a ia meia latou, talie na lasi ai lolatou i. Ti na sopo loa Sesu ki le vaka, o toe liliu.

Luka 9:19

Na lotou tali loa : E pati a iki ko Soane-Patita ; ti e pati a iki ko Elia ; ti e pati a iki ko se tasi o le kau polofeta afea leia kua toe tuuake.

Soane 1:21

Ti na lotou vesili loa kiate ia : Kolea koia ? pe ko Elia a koe ? Ti na pati loa a ia : E leaise ko Elia au. Pe ko le polofeta a koe ? Ti na tali loa a ia : Leai.

Soane 1:25

Na lotou toe fai foki kiate ia le vesili leinei : Kolea loa leia e ke fai papitema ai, mo kapau e leaise ko le Kilisito a koe, pe ko Elia, pe ko le polofeta ?

Soane 4:19

Na pati loa le fafine kiate ia : Aliki, e kau tio ko le polofeta a koe.

Soane 6:14

I le tio a le kakai lena ki le milakulo leia na fai e Sesu, na lotou pati loa : Ko ia leinei ko le polofeta maoki leia e tonu ke au ki le malama nei.

Soane 9:17

Ti na lotou mavaevae loa i ai. Na lotou toe pati loa ki le kivi : Ko koe, kolea lau pati kiate ia, i lana fakatio ou mata ? Na tali loa a ia : Ko se polofeta a ia.

Gaoi 5:5

I le logo a Ananiasi ki masau ana, na teka loa a ia ki lalo, o mate. Ti na soko loa se i lasi kia latou fuli ala na logo ki nea ana.

Gaoi 7:37

Ko le Moisese lena, leia na pati loa ki vosa o Iselaele : E fakatuu ake loa kia koutou e le Atua i okoutou fetaina se polofeta ofaipe au.

Kalate 1:24

Ti na lotou fakakololia loa ki le Atua o tupu ko au.

Tetelonome 18:15

E fakatuu ake loa e le Eteleno, lou Atua, i loto malie o ou, i ou fetaina, se polofeta o tatau mo au : ke kotou fakalogo loa kiate ia !