Luka 7:13 - Tosi Tapu

¹³ I le tio a le Aliki ki le fafine, na manavaalofa loa a ia kiate ia, o pati : Aua na ke tagi !

Luka 7:13 ပူးပေါင်းရင်းမြစ်များ

Pesalemo 103:13

Ofaipe se tamana leia e alofa ki ana fanau, E alofa foki le Eteleno kia latou ala e i kiate ia.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Maleko 8:2

E kau aloalofa ai ki le kakai leinei ; talie kua aso tolu lana nofo i oku tafa, ti e leaise nea fua ke kai.

Luka 10:1

I le sili o le nea a ia, na filifili loa e le Aliki ni iki ake tisipulo e tino fitu, ti na kakau loa e ia latou taki toka lua i ona mua ki kolo fuli ti mo ganea fuli ala kua tonu ke ano a ia totonu ki ai.

Luka 11:1

Na faikole loa Sesu i se aso i se ganea. I le oki o lana faikole, na pati loa se tasi o ana tisipulo kiate ia : Aliki, ako mai kia matou le faikole, ofaipe lona ako e Soane ki ana tisipulo.

Luka 11:39

Kae na pati loa le Aliki kiate ia : Ko koutou kau faliseo, e kotou fakamea a tafa o le ipu mo le pa, kae i loto e kotou apele i kaia mo agaveli.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 13:15

Na tali loa le Aliki kiate ia : Kau malualoi ! Pe leaise kotou ano i le aso o le sapato o tasi tatala lana pipi pe ko lana asino, o ave ke fakainu ?

Luka 17:5

Na pati loa le kau apositolo ki le Aliki : Fakalasi lamatou tui.

Luka 17:6

Na pati loa le Aliki : Kapau e lasi lakoutou tui ofaipe se fatui sinapi, e kotou pati loa ki le sikomole lena : Mataaki a koe, o vilo ki le moana ; ti e fakalogo atu loa a ia kia koutou.

Luka 18:6

Ti na fakakatoa loa e le Aliki : Kotou logo ki le pati a le tui fakamaau lee faitotonu !

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.

Luka 22:61

Na mafuli loa le Aliki ki muli, o tio kia Petelo. Ti na manatui loa e Petelo le folafola leia na fai e le Aliki kiate ia : I mua o le koukoua o le moatoa i le aso nei, kua ke fakafiti tua tolu kiate au.

Luka 24:3

ti na lotou ulu loa ki loto kae na leaise lotou maua loa le tino o le Aliki Sesu.

Luka 24:34

ti na lotou pati ake loa kia laua : Kua toe tuuake maoki le Aliki, ti kua sa a ia kia Simone.

Luka 7:12

Ti kua ofi a ia ki le matapa o le kolo, ko leinei, na amo ki fafo se mate, ko se tama fuatasi o se fafine lokonui ; ti na ano mo ia se kakai toka api o le kolo.

Luka 7:14

Ti na fakafeofi loa a ia o fafa ki le pusa o le mate. Ti na tuu loa le kau amo. Ti na pati loa a ia : Tupulaga, e kau pati atu kiate koe, tuu ki aluga !

Luka 7:19

Ti na kalagai loa e ia se toka lua ia latou, o kakau laua kia Sesu, o vesili kiate ia : Pe ko koe leia e tonu ke au, pe tonu ke motou talitali ki se tasi ake ?

Luka 8:52

Na fetagisi fuli le kakai mo lauga ki le taine. Na pati loa Sesu : Aua na kotou fetagisi ; e leaise mate a ia, kae e moe a ia.

Soane 11:2

Ko le Malia lena na takai ia ki le kaloni le Aliki mo solo ia ona vae ki lona lauulu, ti ko lona tuagaane ko Lasalo leia na masaki.

Soane 11:3

Na kakau loa e le tautaina ke pati kia Sesu : Aliki, tio, ko leia e ke alofa ki ai e masaki.

Soane 20:13

Na la pati loa kiate ia : Fafine, kolea e ke tagi ai ? Na tali loa a ia kia laua : Talie kua lotou ave loku Aliki, ti e leaise kau iloa pe kua lotou tuku a ia kifea.

Soane 20:15

Na pati loa Sesu kiate ia : Fafine, kolea e ke tagi ai ? Ko ai leia e ke afa ia ? Na tuku e Malia ko le tagata fai oloto, ti na pati loa a ia kiate ia : Aliki, kapau ko koe leia na ave ia a ia, fakasa mai kiate au pe na ke tuku a ia kifea, ti e kau too loa a ia.

Soane 4:1

I le iloa e le Aliki kua logo le kau faliseo, na fai e ia ti na papitema e ia ni tisipulo o toka api ake ia Soane,

Soane 6:23

I le pogipogi ake, na kaku ake loa ni iki a vaka mei Tipeliate ki le ganea leia na lotou kai ai le pane i le oki o le fakafetai a le Aliki,

Uluaki tosi ki le kau Kolinto 7:30

ti ko latou ala e tagi o sakinake e leaise lotou tagi ; mo latou ala e fiafia o sakinake e leaise lotou fiafia ; mo latou ala e fai fakatau o sakinake e leaise lotou maua ia se nea ;

Uluaki tosi ki le kau Tesalonika 4:13

E leaise motou loto, fetaina, ke kotou nonofo i le fakapouli o uiga mo latou ala kua mamate, o tupu ke aua na kotou mamae ofaipe latou ake ala e leaise maua ia se amanaki malie.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.