Luka 7:12 - Tosi Tapu

¹² Ti kua ofi a ia ki le matapa o le kolo, ko leinei, na amo ki fafo se mate, ko se tama fuatasi o se fafine lokonui ; ti na ano mo ia se kakai toka api o le kolo.

Luka 7:12 ပူးပေါင်းရင်းမြစ်များ

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Senesi 22:2

Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Lua tosi a Samuele 14:7

Ti ko leinei, kua malaga mai le famili katoa ki lau fafine fakasausau, o pati : Tuku mai nei leia na tukipo ia lona taina ! E motou loto ke tamate a ia ke taui ai le mauli o lona taina leia na tamate e ia ; e motou loto ke maumaui foki mo lona sakoga ! E lotou tamate ai loa le ga malala leia koi kaka iate au, ti e leaise toe maua loa se sakoga o loku avaga i aluga o le kele.

Uluaki tosi o Sau 17:12

Ti na tali loa le fafine : E mauli le Eteleno, lou Atua ! E leai saku nea kua moso, ti e kau maua fai se ga momoi falina i se ipu ti mo se ga lolo i se fagu. Ti ko leinei, e kau tae ni ga potu fafie e lua, ti kau ano loa ki fale, o teuteui le nea lena kiate au mo loku tama ; e ma kakai loa, ti oki a ia ti e ma mamate loa.

Uluaki tosi o Sau 17:18

Na pati loa le fafine kia Elia : Kolea le nea kua veli i lota vasaa, tagata a le Atua ? Pe na ke au ki loku kaiga o fakamanatu laku agaveli ti mo fakamate loku tama ?

Uluaki tosi o Sau 17:23

Na too loa e Elia le fanau, o fakaifo a ia mei lau fata ki le fale, ti na soli loa e ia a ia ki lona tinana. Ti na pati loa Elia : Tio, kua mauli lou tama.

Uluaki tosi o Sau 17:9

Tuu ki aluga, ti ke ano ki Salepeta, leia e kau ki Sitone, ti ke nofo i ai. Ko leinei, kua kau fakatotonu ki se fafine lokonui i ai ke fagai ia a koe.

Lua tosi o Sau 4:16

Na pati loa Eliseo kiate ia : I le temi leinei o le fetuu ka au, e ke sogi loa ki se vosa. Ti na tali loa le fafine : Leai ! loku aliki, tagata a le Atua, aua na ke loiloisii lau fafine fakasausau !

Lua tosi o Sau 4:20

Na ave loa e le tagata fakasausau le toe ki lona tinana. Ti na sapai loa a ia e lona tinana i ona vae o kaku ki le lalatea, ti na mate loa le toe.

Sopo 29:13

Na au kiate au le tapuakina a le tagata fakaaloalofa ; Ti na kau fakaapele ki le fiafia le loto o le fafine lokonui.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Luka 7:11

I leia ake a aso, na ano loa Sesu ki se kolo na igoa ko Naini ; ti na ano mo ia ana tisipulo mo se kakai toka api.

Luka 7:13

I le tio a le Aliki ki le fafine, na manavaalofa loa a ia kiate ia, o pati : Aua na ke tagi !

Luka 8:42

talie ko lona taine fuatasi, leia na fetuu kau agafulu tupu lua, kua vave mate fua. Na lolotoga ano loa Sesu ki ai, ti na fetekeaki a ia e le kakai.

Luka 8:52

Na fetagisi fuli le kakai mo lauga ki le taine. Na pati loa Sesu : Aua na kotou fetagisi ; e leaise mate a ia, kae e moe a ia.

Soane 11:19

ti na au se kau Sutea toka api kia Maleta mo Malia, o fakapelepelei laua i le mate o lola tuagaane.

Gaoi 9:39

Ti na tuu ake loa Petelo o ano mo laua. I lana kaku atu ki ai, na taki loa a ia ki le kogafale i fata. Ti na takatakai loa a ia e fafine lokonui fuli, o tagi mo fakasa ake kia Petelo a kofu mo taupulupulu ala na fai e Tolokasi i lana koi nofo mo latou.

Gaoi 9:41

Ti na falo loa e Petelo lona lima kiate ia, o fakatuu ake a ia ki aluga. Na kalagai loa e ia le kau sagato mo le kau fafine lokonui, o tuku kia latou a Tapita kua mauli.

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.