Luka 6:8 - Tosi Tapu

⁸ Kae i lana iloa alatou manatu, na pati loa a ia ki le tagata lima mate : Tuu ki aluga, ti ke tuu i leia i lotomalie. Na tuu ake loa a ia ki aluga, o tuu i lotomalie.

Luka 6:8 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Sopo 42:2

E kau fakamaoki e ke mafai a nea fuli, Ti e leaise fakafesagai se nea ki au manatu.

Pesalemo 44:21

Kapau na motou galoi le suafa o lomatou Atua, Ti na motou siki omatou lima ki se atua kese,

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Mateo 9:4

Ti na pati loa Sesu, i lana iloa alatou manatu loto : Kolea e kotou maua ai ni manatu veveli i okoutou loto ?

Maleko 3:3

Ti na pati loa Sesu ki le tagata lima mate : Tuu ki aluga i lena, i loto malie.

Luka 13:12

I le tio a Sesu ki le fafine, na kalagai loa e ia a ia, o pati kiate ia : Fafine kua fakamauli a koe i lou maimoa.

Luka 5:22

Kae i le iloa e Sesu alatou manatu, na masau loa a ia, o pati kia latou : Kolea e kotou maua ai ni manatu fenaaki i okoutou loto ?

Luka 6:9

Na pati loa Sesu kia latou : E kau vesili atu kia koutou pe fakataga e le lao ke fai i le aso o le sapato se nea malie pe ko se nea veli, ke saofaki ai le mauli o se tagata pe ke tamate a ia ?

Soane 2:25

ti talie na leaise aoga ke fakasa ake e se tasi kiate ia se nea o uiga mo se tagata ; talie na iloa e ia le loto o le tagata.

Soane 21:17

Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

Soane 9:4

E tonu ke kau fai koi ao a gaoi a leia na kakau ia mai au ; e au le pouli, leia e leaise mafai ke gaoi ai se tasi.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 26:26

Ti kua ako e le sau a nea anei, koia e kau masau fakalauatea ai kiate ia ; talie e kau iloa e leaise fakapouli a ia ki se nea fua e tasi, talie na leaise fai fakafufu a nea anei.

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Uluaki tosi a Petelo 4:1

Talie na mamae Kilisito i lona tino, koia kotou teu masafu foki ki le manatu lena ; talie ko leia kua mamae i le tino kua tuku e ia le agasala,

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.