Luka 6:48 - Tosi Tapu

⁴⁸ E tatau a ia mo se tagata leia na fakatuu ia se fale : na kenu e ia o loloto ai, o teki le fakatafito ki le utu. Na to se lomaki, ti na oso makeke le vai ki le fale lena, kae na leaise taugaoi a ia, talie na fakatuu a ia ki le utu.

Luka 6:48 ပူးပေါင်းရင်းမြစ်များ

Lua tosi a Samuele 22:2

Na pati loa ia : Ko le Eteleno ko loku utu, loku kolo tau, loku fakamauli.

Lua tosi a Samuele 22:32

Talie ko le toka tasi e Atua, ko le Eteleno ! Ti ko le toka tasi ko se utu, ko lotatou Atua !

Lua tosi a Samuele 22:47

E mauli le Eteleno, ti ke manuia loku utu ! Ke siki le Atua, le utu o loku fakamauli,

Lua tosi a Samuele 22:5

Talie na takatakai au e galu o le mate, Na fakaii mai kiate au a vaitafe o le maumau ;

Lua tosi a Samuele 23:3

Na masau le Atua o Iselaele, Na pati mai kiate au le utu o Iselaele : Ko leia e pule ki le kakai i le faitotonu, Ko leia e pule i le fakaapaapa ki le Atua,

Pesalemo 32:6

Koia ke faikole kiate koe a tagata agatonu fuli i le temi faigamalie ! Kapau e puke ni vai lalasi, e leaise lotou kaku loa kia latou.

Pesalemo 62:2

Io, ko le Atua leia e fanaki ki ai loku laumalie ; Ko ia leia e au mei ai loku fakamauli.

Pesalemo 95:1

Kotou au, tou sua i le nekenekea ki le Eteleno ! Tou kalaga fakafiafia ki le utu o lotatou fakamauli.

Taagapati 10:25

Ofaipe le puli a le asesio, e puli felaaki foki le tagata agaveli ; Kae e maua e le tagata agatonu ni fakatafito lee gato.

Esaia 26:4

Kotou fanaki tuumau ki le Eteleno, Talie ko le Eteleno, ko le Eteleno ko le utu o sekulo.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 59:19

Ti e i loa ki le suafa o le Eteleno mei le sopoaga o le laa, Ti mo lona kololia mei le toaga o le laa. Ka au loa le fili ofaipe se vaitafe, E kapu loa a ia e le Laumalie o le Eteleno.

Naume 1:8

Kae e maumaui loa e ia le kolo Ki ni galu o le malaia, Ti e tuli loa e ia ona fili o kaku ki le fakapouli.

Luka 6:47

E kau fakasa atu loa kia koutou pe fakatatau kiate ai a tagata fuli ala e au kiate au, o logo ki aku folafola, ti mo fai ia latou.

Luka 6:49

Ka ko leia e logo ki aku folafola, kae leaise fai ia latou, e tatau a ia mo se tagata leia na fakatuu ia se fale i le kele kae e leai sona fakatafito. Na oso makeke loa le vai ki le fale lena, ti na solo aifai a ia. Ti na lasi ai lona maumau.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:18

Io, Iselaele, na ke tiaki loa le Utu leia na fakatupu ia a koe, Ti na ke galoi loa le Atua leia na fanaui ia a koe.

Tetelonome 32:31

Talie e leaise tatau lolatou utu mo lotatou Utu, Leia kua fakamaoki ki ai otatou fili.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.