Luka 6:47 - Tosi Tapu

⁴⁷ E kau fakasa atu loa kia koutou pe fakatatau kiate ai a tagata fuli ala e au kiate au, o logo ki aku folafola, ti mo fai ia latou.

Luka 6:47 ပူးပေါင်းရင်းမြစ်များ

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 14:26

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Luka 6:48

E tatau a ia mo se tagata leia na fakatuu ia se fale : na kenu e ia o loloto ai, o teki le fakatafito ki le utu. Na to se lomaki, ti na oso makeke le vai ki le fale lena, kae na leaise taugaoi a ia, talie na fakatuu a ia ki le utu.

Luka 8:13

Ko latou ala na maluku i le ganea fatufatua, ko latou ala, i lalatou logo ki le folafola, na tali ia a ia i le fiafia ; kae e leaise lotou maua ia se aka, ti e lotou tui fua i se ga temi, ti e lotou siga i le lakaga o le fakasala.

Luka 8:8

Na maluku loa se tasi a koga ki le kele malie ; i lana somo ake, na fua loa a ia o liuga kau lelau. I le oki o lana masau, na kalaga loa Sesu o leo lasi : Ko leia e i ai ni ona taliga ke fakalogo, ke logo.

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Soane 14:15

Kapau e kotou alofa kiate au, kotou fai aku fakatotonu.

Soane 5:40

Ti e leaise kotou fia au kiate au, o tupu ke kotou maua le mauli !

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Soane 6:37

Ko latou fuli ala e soli mai kiate au e loku Tamana e au loa kiate au, ti e leaise kau tuku loa ki fafo leia e au kiate au ;

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Sakopo 4:17

Koia ko leia e iloa ia le fai o le nea leia e malie, kae e leaise fai e ia a ia, e fai e ia se agasala.

Uluaki tosi a Petelo 2:4

Kotou fakafeofi kiate ia, ko le fatu mauli, leia kua tiaki maoki e tagata, kae kua filifili e le Atua, ti e mauiga kiate ia ;

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.

Uluaki tosi a Soane 2:29

Kapau e kotou iloa e maokioki a ia, kotou iloa ko leia e saele i le maokioki na tupu a ia meiate ia.

Uluaki tosi a Soane 3:7

Fanau liliki, ke aua na kakaai koutou e se tasi. Ko leia e mauli i le maokioki e maokioki a ia, ofaipe Ia totonu e maokioki.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !