Luka 6:26 - Tosi Tapu

²⁶ Malaia koutou mo ka e masau malie loa a tagata fuli kia koutou, talie na fai fenaaki olatou tamana ki le kau polofeta loi !

Luka 6:26 ပူးပေါင်းရင်းမြစ်များ

Taagapati 27:21

Ko le kulo saka ukamea ki le siliva, ti ko le gutuumu ki le aulo ; Kae e iloa se tagata i lona logologona.

Esaia 30:10

Ala e pati ki le kau faikikite : Aua na kotou tio ! Ti ki le kau polofeta : Aua na kotou fakasa mai kia matou ni maoki, Kae koutou fakasa mai kia matou ni nea logologo malie, Kotou kikite ni nea noa !

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mateo 7:15

Kotou tokaga ki le kau polofeta kaka. E lotou au kia koutou kua kofu ofaipe ni ovi, kae i loto ko ni lupo fekai latou.

Luka 6:25

Malaia kia koutou ala e makona i le temi nei, talie e kotou fia kai loa ! Malaia kia koutou ala e kata i le temi nei, talie e kotou mamae loa mo tagi laulau loa !

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.