Luka 6:25 - Tosi Tapu

²⁵ Malaia kia koutou ala e makona i le temi nei, talie e kotou fia kai loa ! Malaia kia koutou ala e kata i le temi nei, talie e kotou mamae loa mo tagi laulau loa !

Luka 6:25 ပူးပေါင်းရင်းမြစ်များ

Pesalemo 49:19

E pakia loa a ia i le pati na fiafia a ia i lona mauli, E gaegae loa le fakamalo kiate koe o tupu ko fakafiafia ala na ke soli,

Taagapati 14:13

E feala ke mamae le loto i loto malie foki o le kata, Ti e feala foki ke fakaoki le fiafia ki le mamae.

Taagapati 30:9

Talie na kau makona, ti kau fakafiti kiate koe, O kau pati : Ko ai le Eteleno ? Ti na kau mativa, ti kau kaia, O kau takua noa ki le suafa o loku Atua.

Ekelesiasi 2:2

Na kau pati ki le kata : Valeuka ! ti na kau pati ki le fiafia : Kolea lou aoga ?

Ekelesiasi 7:3

E malie ake le mamae i le kata ; talie e feala ke mamae le mata kae fiafia le loto.

Ekelesiasi 7:6

Talie e tatau le kata a le tagata valea mo le mafitifiti a ni laakau talatala i lalo o le fa kulo. Ko se tasi foki a ia vaiga.

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Esaia 8:21

Kae e foli noa loa a ia i le fenua, i le mamae mo le pakupaku. Ti ka fia kai loa a ia, e itaita loa a ia, O lauveli ki lona sau ti mo lona Atua, Ti e tio loa ona mata ki aluga ;

Esaia 9:20

E kai e Manase a Efalaimi, ti e kai e Efalaimi a Manase, Ti e la oso fakatasi o kai a Suta. Kae logo ai nea fuli ana, e leaise makona aifai le sausau o le Eteleno, Kae koi falo aifai lona lima.

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Luka 13:28

Ko lena le ganea leia ka maua ai loa a tagi mo fetati o nifo, mo ka kotou tio loa kia Apalaamo, mo Isaake, mo Sakopo, ti mo le kau polofeta katoa i le puleaga o le Atua, kae e ti loa koutou ki fafo.

Luka 6:24

Kae, malaia kia koutou, kau mou koloa, talie kua kotou maua lokoutou fimalie !

Luka 6:26

Malaia koutou mo ka e masau malie loa a tagata fuli kia koutou, talie na fai fenaaki olatou tamana ki le kau polofeta loi !

Luka 8:53

Ti na lotou gologolo loa kia Sesu, talie kua lotou iloa kua mate le taine.

Efeso 5:4

Ke aua na logo ia koutou ki ni pati veveli, mo ni masau fakavale, mo ni fakasuasua, talie e leaise gali a nea ana mo le fakapoipoi ; kae ke logo tafito ki ni fakafetai.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Sakopo 4:9

Kotou logoi lokoutou fakaaloalofa ; kotou nonofo i le putu mo loimata ; ke liliu lakotou kata ko se putu, ti mo lokotou fiafia ko se mamae.

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,

Uluaki tosi a Samuele 2:5

Kua gaoi totogi latou ala na makokona ki se pane, Ti kua malolo latou ala na pakupaku ; Kua fanau tua fitu le fafine paa, Ti kua fefe le fafine leia na mauke ona fanau.