Luka 6:13 - Tosi Tapu

¹³ I le mafoa ake o le ao, na kalagai loa e ia ana tisipulo, ti na filifili loa e ia se tino agafulu tupu lua ia latou, ala na tuku loa e ia ki ai le igoa ko apositolo :

Luka 6:13 ပူးပေါင်းရင်းမြစ်များ

Mateo 10:2

Ko nei igoa o le kau apositolo e tino agafulu tupu lua. Ko le uluaki, ko Simone, na igoa ko Petelo, ti mo Atelea, lona taina ; mo Sakopo, vosa o Sepeteo, ti mo Soane, lona taina ;

Mateo 19:28

Na tali loa Sesu kia latou : E kau pati maoki atu kia koutou, i le aso leia e eke ai loa le Vosa o le tagata ki le ekeekeaga fakasau o lona kololia, i le fakafoou o nea fuli, ko kotou ala na muli mai iate au e kotou ekeeke loa i ni ekeekeaga fakasau e kau agafulu tupu lua, ti e kotou fakamaui loa a faasiga e kau agafulu tupu lua o Iselaele.

Mateo 9:36

I lana tio ki le kakai, na aloalofa loa a ia kia latou, talie ko se kakai fakatotoso mo gaegae ofaipe ni ovi ala e sala tagata tausi ovi.

Maleko 6:30

Na fakatasi mai loa le kau apositolo kia Sesu, ti na lotou fakamatala loa kiate ia a nea fuli ala na lotou fai ti mo nea fuli ala na lotou akonaki ki ai.

Maleko 6:7

Na kalagai loa e Sesu le tino agafulu tupu lua, ti na kamata kakau loa e ia latou taki toka lua, ti na soli loa e ia kia latou le pule ki laumalie veli.

Luka 11:49

Koia na fakasa ai e le Atua i lona poto : E kau kakau loa kia latou ni polofeta mo ni apositolo ; ti e lotou tamate loa a iki kae e lotou fakavelivelii loa a iki.

Luka 22:30

E kotou kai loa mo inu loa i loku laupapa i loku puleaga, ti e kotou ekeeke loa i ni ekeekeaga fakasau, o fakamaaui a faasiga e kau agafulu tupu lua o Iselaele.

Luka 6:14

Ko Simone, leia na fakaigoa e ia ko Petelo ; mo Atelea, lona taina ; mo Sakopo ; mo Soane ; mo Filipo ; mo Patolomeo ;

Soane 4:33

Ti na pati loa le kau tisipulo ia latou : Pe na aumai e se tasi se nea kai kiate ia ?

Gaoi 1:13

I lalatou kaku ki Selusalemi, na lotou pale loa ki le kogafale i le fata leia na lotou nonofo masani ai ; ko Petelo, mo Soane, mo Sakopo, mo Atelea, mo Filipo, mo Toma, mo Patolomeo, mo Mateo, mo Sakopo vosa o Alefeo, mo Simone ko le Selote, ti mo Suta, vosa o Saakopo.

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Lua tosi a Petelo 3:2

o tupu ke kotou manatui a nea ala na fakasa fakatomua e le kau polofeta maokioki, ti mo le fakatotonu o lotatou Aliki mo Fakamauli, leia na akonaki ki ai le kau apositolo.

Apokalipisi 12:1

Na sa loa se fakamailoga lasi i le lagi : Ko se fafine kua kofu ki le laa, mo le masina i lalo o ona vae, ti mo se pala o ni fetuu e kau agafulu tupu lua i lona ulu.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 21:14

Ti ko le kaua o le kolo na fakatuu ki ni fatu fakatafito e kau agafulu tupu lua, ti na tosi i ai a igoa e kau agafulu tupu lua o apositolo e tino agafulu tupu lua a le Akeno.