Luka 5:8 - Tosi Tapu

⁸ I le tio a Simone Petelo ki le nea lena, na tutuli loa a ia o punou ki le kele i mua o Sesu, o pati : Aliki, fakamamao atu iate au, talie ko au ko se tagata agasala,

Luka 5:8 ပူးပေါင်းရင်းမြစ်များ

Lua tosi a Samuele 6:9

Na i loa Tavite ki le Eteleno i le aso lena, ti na pati loa a ia : E ulu feaki loa le aleka o le Eteleno ki loku fale ?

Uluaki tosi o Sau 17:18

Na pati loa le fafine kia Elia : Kolea le nea kua veli i lota vasaa, tagata a le Atua ? Pe na ke au ki loku kaiga o fakamanatu laku agaveli ti mo fakamate loku tama ?

Sopo 40:4

Pe makeke lou lima ofaipe le lima o le Atua, Mo lou leo ofaipe lona leo ?

Ekesote 20:19

Na lotou pati loa kia Moisese : Masau mai fua a koe totonu kia matou, ti e motou fakalogo atu loa ; kae ke aua na masau mai le Atua totonu kia matou, talie ke aua na motou mamate.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Mateo 17:6

I lalatou logo ki le leo lena, na sisiga loa le kau tisipulo o fakapulou ki le kele, ti na lotou i lasi ai.

Mateo 2:11

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.

Mateo 8:8

Na tali loa le setulio : Aliki, e leaise aoga ke ke ulu mai ki loku loto fale, kae ke pati mai fua se folafola, ti e mauli loa laku tagata fakasausau.

Luka 5:7

Na lotou taukalo loa ki olatou kau tautai i leia ake a vaka ke au o tokoi mai kia latou. Na lotou au loa, ti na lotou fafao loa a vaka lualua o apelepele, ti kua la vave goto foki.

Luka 5:9

talie na ofolele a ia, mo latou fuli ala na nonofo mo ia, o tupu ko le lasi o ika kua lotou maua.

Soane 11:32

I le kaku a Malia ki le ganea leia na nofo ai Sesu o tio kiate ia, na fakamapee loa a ia ki ona vae, o pati kiate ia : Aliki, kanapau na ke nofo i leinei, na leaise mate loku tuagaane.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Tuifakamaau 13:22

ti na pati loa a Manoa ki lona avaga : E ta mamate loa, talie kua ta tio ki le Atua.

Uluaki tosi a Samuele 6:20

Na pati loa le kakai o Pete-Semesi : Ko ai loa e feala ke mauli i mua o le Eteleno, o le Atua maokioki lena ? Ti ko ai loa e tonu ke ave ki ai le aleka, ke mamao mo tatou ?