Luka 5:34 - Tosi Tapu

³⁴ Na tali loa Sesu kia latou : Pe feala ke kotou fakasesunio a kaukaunea o le tagata avaga kae koi nofo le tagata avaga mo latou ?

Luka 5:34 ပူးပေါင်းရင်းမြစ်များ

Katiko o Katiko 5:8

Ei taineliki o Selusalemi, e kau kole atu kia koutou, Kapau e kotou maua loku mamanaaga, Kolea e kotou fakasa loa kiate ia ?… Kotou pati e kau masaki laukau !

Katiko o Katiko 6:1

Kua ano kifea lou alofaaga, A koe leia e fulumalie i fafine fuli ? Na ano ki le fetuu fea lou mamanaaga ? E motou afa loa a ia mo koe.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Mateo 22:2

E fakatatau le puleaga o le atu lagi ki se sau leia na fai ia se kaitasi ki le avaga o lona vosa.

Mateo 9:15

Na tali loa Sesu kia latou : Pe feala ke mamae a kaukau nea o le tagata avaga, kae koi nofo le tagata avaga mo latou ? E soko mai loa a aso ala e too ai loa le tagata avaga meia latou, ti e lotou sesunio loa.

Luka 5:33

Na lotou pati loa kiate ia : E sesunio sosoko mo faikole a tisipulo a Soane, ofaipe tisipulo a le kau faliseo, kae kai mo inu fai au tisipulo.

Luka 5:35

E soko mai loa a aso ala e too ai loa le tagata avaga meia latou, ti e lotou sesunio loa i aso ana.

Soane 3:29

Ko leia a ana le fafine avaga, ko le tagata avaga ; kae ko le kaukaunea o le tagata avaga, leia e tuu i ona tafa o logo kiate ia, e logoi e ia se fiafia lasi, o tupu ko le leo o le tagata avaga : koia ko le fiafia lena, leia ko looku foki, kua katoa.

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.