Luka 5:32 - Tosi Tapu

³² Na leaise kau au o kalagai ki le fakasemala ni tagata agatonu, kae ni tagata agasala.

Luka 5:32 ပူးပေါင်းရင်းမြစ်များ

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Maleko 15:10

Talie na iloa e ia na tuku Sesu e le kau pule faisakilifisio o tupu ko lolatou finenonofo.

Maleko 15:7

Na i ai i le fale pilisoni se tagata na igoa ko Palapasi ti mo lana kau tagata tukipo, o tupu ko se tukipo leia na lotou fai i le lolotoga o se maveuveu.

Maleko 2:17

I le logo a Sesu ki le nea lena, na pati loa a ia kia latou : E leaise ko latou ala e saosaoa e aoga ki ai se toketa, kae ko le kau masaki. Na leaise kau au o kalagai le kau agatonu, kae na kau au o kalagai le kau agasala.

Luka 15:10

Koia e kau pati atu ai kia koutou : e i ai se fiafia i mua o le kau aselo o le Atua i se tagata agasala e toka tasi leia e fakasemala.

Luka 15:7

Koia e kau pati atu ai kia koutou, e ia loa se fiafia lasi ake i le lagi i se tagata agasala e toka tasi leia e fakasemala, i ni tagata agatonu e tino iva tupu iva ala e leaise aoga ki ai le fakasemala.

Luka 19:10

Talie kua au le Vosa o le tagata ke afa mo fakamauli le nea leia kua puli.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Luka 5:31

Na pati loa Sesu kia latou : E leaise ko latou ala e saosaoa e aoga ki ai se toketa, kae ko le kau masaki.

Luka 5:33

Na lotou pati loa kiate ia : E sesunio sosoko mo faikole a tisipulo a Soane, ofaipe tisipulo a le kau faliseo, kae kai mo inu fai au tisipulo.

Gaoi 17:30

Kae na leaise fakaaoga e le Atua a temi ala na nofo ai a tagata i le fakapouli, kae kua fakasa e ia i le temi nei ki tagata fuli i ganea fuli, e tonu ke lotou fakasemala,

Gaoi 2:38

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Gaoi 20:21

o kau fakasa ki le kau Sutea mo le kau Keleka le fakasemala ki le Atua, ti mo le tui ki lotatou Aliki ko Sesu-Kilisito.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Gaoi 3:26

Koia na fakatuu ai e le Atua lana tagata fakasausau ko Sesu kia koutou mua, ti kua kakau mai e ia a ia ke tapuaki kia koutou ki le tafoki o le tagata taki toka tasi mei ana agaveli.

Gaoi 5:31

Kua siki a ia e le Atua ki lona lima atamai ko le Sau ti mo le Fakamauli, talie ke soli ki Iselaele le fakasemala mo le fakamolemole o agasala.

Lua tosi a Petelo 3:9

E leaise tuvai le Aliki i le fakasoko o lana fakapapau, ofaipe le lau a ni iki ; kae e kataki fualoa a ia kia koutou, talie e leaise loto a ia ke mate se tasi, kae ke kotou kaku fuli ki le fakasemala.