Luka 5:30 - Tosi Tapu

³⁰ Na mumusu loa le kau faliseo mo le kau sekelipa, o pati ki ana tisipulo : Kolea e kotou kai mo inu ai mo le kau popelikano ti mo le kau agasala ?

Luka 5:30 ပူးပေါင်းရင်းမြစ်များ

Esaia 65:5

Leia e pati : Ano kese, Aua na ke fakafeofi mai kiate au, Talie e kau maokioki !… Ko nea ana ko se afu i oku pogoiisu, Ko se afi leia e leaise toe mate.

Mateo 5:46

Kapau e kotou alofa fua kia latou ala e alofa mai kia koutou, kolea le fakapale leia e kotou maua loa ? Pe e leaise fai fenaaki foki le kau popelikano ?

Mateo 9:11

Na tio loa le kau faliseo ki le nea lena, ti na lotou pati loa ki ana tisipulo : Kolea e kai ai lokoutou pule mo le kau popelikano ti mo le kau agasala ?

Maleko 2:16

I le tio a le kau sekelipa mo le kau faliseo e kai Sesu mo le kau agasala ti mo le kau popelikano, na lotou pati loa ki ana tisipulo : Kolea e kai ai mo inu ai a ia mo le kau popelikano mo le kau agasala ?

Maleko 7:3

Talie e leaise kai le kau faliseo mo le kau Sutea fuli kae e leikiaise fanofano fakamalielie mua olatou lima, o mulimuli ki le talatisio a le kau matua mago ;

Maleko 9:16

Na vesili loa Sesu kia latou : Kolea le nea e kotou masau ki ai mo latou ?

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Luka 19:7

I le tio a le kakai ki le nea lena, na lotou mumusu fuli, o pati : Kua ano a ia o nofo i le fale o se tagata agasala.

Luka 5:17

I se tasi a aso, leia na akonaki ai Sesu, na nofo i ai ni kau faliseo mo ni kau toketa o le lao, ala na au mei kolo fuli o Kalilea, mo Sutea mo Selusalemi ; ti na sa le mafimafi o le Aliki i le fakamauli o ni kakai mei olotou masaki.

Luka 5:21

Na kamata masau loa le kau sekelipa mo le kau faliseo, o pati : Ko ai leinei e fai ia ni fatituu ? Ko ai e mafai ke fakamolemole ia a agasala ? Pe leaise ko le Atua toka tasi ?

Luka 7:34

Kua au le Vosa o le tagata, o kai mo inu, ti e kotou pati : Kotou tio, ko le tagata kai mo inu vino, ti ko le kaukau nea a ia o le kau popelikano mo le kau agasala.

Luka 7:39

Ko le faliseo leia na fakaafe ia Sesu, i lana tio ki le nea lena, na pati loa i lona loto : Kapau na polofeta maoki le tagata leinei, e iloa loa e ia pe ko ai le fafine leia e fafa kiate ia, mo lona anoaga totonu : ko se fafine agasala.

Gaoi 23:9

Na toe asilisili ake loa le taukalaga, ti na tuu ake loa ki aluga ni sekelipa i le fetuuga o le kau faliseo, o kamata ia se visi lasi, o pati : E leaise motou maua fua se nea veli i le tagata leinei ; na saga na masau kiate ia se laumalie pe ko se aselo.