Luka 5:25 - Tosi Tapu

²⁵ Ti na tuu ake loa a ia ki aluga i le temi fai lena, i mua o latou, o too le palepale leia na moe ai, ti na ano loa a ia ki lona kaiga, mo fakafetai ki le Atua.

Luka 5:25 ပူးပေါင်းရင်းမြစ်များ

Senesi 1:3

Na pati loa le Atua : Ke sa le malama ! Ti na sa loa le malama.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Pesalemo 50:23

Ko leia e momoli ia ni sakilifisio ko ni fakafetai e fakakololia kiate au ; Ti ko leia e tokaga ki lona ala, E kau fakatio loa a ia ki le fakamauli o le Atua.

Mateo 9:8

I le tio a le kakai ki le nea lena, na lotou ofolele ai, ti na lotou fakakololia loa ki le Atua, leia kua soli ia ki tagata se pule fenaaki.

Maleko 2:12

I le lakaga fai lena, na tuu ake loa le tagata palalisia ki aluga, o too lona palepale, ti na ulu loa a ia ki fafo kae nofoaki le kakai fuli : Ti na lotou ofolele fuli ai, ti na lotou fakakololia loa ki le Atua, o pati : Na leikiaise motou tio ki se nea feneeki i se aso !

Luka 13:13

Ti na teki loa e ia ona lima ki le fafine. I le temi fai lena na tuu fakasako loa le fafine, o fakafetai ki le Atua.

Luka 18:43

I le temi fai lena, na tio loa a ia, ti na muli loa a ia ia Sesu, o fakakololia ki le Atua. I le tio a le kakai katoa ki le nea lena, na lotou fakavikiviki loa ki le Atua.

Luka 5:13

Na falo loa e Sesu lona lima o fafa kiate ia, o pati : E kau loto ki ai, ke ke mea. I le temi fai lena, na mavae loa le kilia iate ia.

Soane 9:24

Na toe kalagai loa e le kau faliseo le tagata leia na kivi, o pati kiate ia : Tuku ki le Atua le kololia ; e motou iloa ko se tagata agasala le tagata lena.