Luka 5:24 - Tosi Tapu

²⁴ Kae o tupu ke kotou iloa e maua e le Vosa o le tagata i le malama nei le pule ke fakamolemole ai a agasala, ti na pati loa a ia ki le tagata palalisia : E kau fakatotonu atu kiate koe : tuu ki aluga, too lou palepale, ti ke ano ki lou kaiga.

Luka 5:24 ပူးပေါင်းရင်းမြစ်များ

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Mateo 16:13

Na kaku loa Sesu ki le fenua o Sesalea o Filipo, ti na vesili loa a ia ki ana tisipulo : Kolea le pati a le kakai kiate au, ko le Vosa o le tagata ?

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Mateo 26:64

Na tali loa Sesu kiate ia : Kua ke pati ki ai. Ti e tasi foki, e kau fakasa kia koutou, e kotou tio loa ki le Vosa o le tagata e nofo i le fetuu atamai o le mafimafi o le Atua, ti e au i ao o le lagi.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 9:6

Kae o tupu ke kotou iloa e nofo le Vosa o le tagata i le malama nei mo le pule ki le fakamolemole o agasala, na pati loa a ia ki le tagata palalisia : Tuu ki aluga, o too lou palepale, ti ke ano ki lou kaiga.

Luka 5:13

Na falo loa e Sesu lona lima o fafa kiate ia, o pati : E kau loto ki ai, ke ke mea. I le temi fai lena, na mavae loa le kilia iate ia.

Luka 5:18

Ti ko leinei, na amo mai e se kau tagata se tagata palalisia i se palepale, ti na lotou faiga ke fakaulu a ia ki loto ti mo tuku a ia ki mua o Sesu.

Luka 5:23

Kofea e faigaofie ake i le pati : Kua fakamolemole au agasala, mo le pati : Tuu ki aluga, o saele ?

Luka 7:14

Ti na fakafeofi loa a ia o fafa ki le pusa o le mate. Ti na tuu loa le kau amo. Ti na pati loa a ia : Tupulaga, e kau pati atu kiate koe, tuu ki aluga !

Luka 8:54

Kae na too loa e Sesu le lima o le taine, o pati leo lasi kiate ia : Fanau, tuu ki aluga.

Soane 11:43

I le oki o lana pati lena, na kalaga loa a ia o leo lasi : Lasalo, au ki fafo !

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Soane 3:13

E leikiaise pale se tagata ki le lagi, kae gato fuai ki leia na ifo mei le lagi, le Vosa o le tagata leia e nofo i le lagi.

Soane 5:27

Kua soli e ia kiate ia le pule ki le fakamaau, talie ko le Vosa a ia o le tagata.

Gaoi 14:10

ti na pati leo lasi loa a ia kiate ia : Tuu fakasako ki aluga i ou vae. Ti na tuu ake loa le tagata ki aluga, o saele.

Gaoi 5:31

Kua siki a ia e le Atua ki lona lima atamai ko le Sau ti mo le Fakamauli, talie ke soli ki Iselaele le fakasemala mo le fakamolemole o agasala.

Gaoi 9:34

Na pati loa Petelo kiate ia : Eneo, e fakamauli a koe e Sesu-Kilisito ; tuu ki aluga, o fakatoka lou palepale. Ti na tuu aifai a ia ki aluga.

Gaoi 9:40

Ti na fakamavae loa e Petelo le kakai katoa ki fafo, ti na tuutuli loa a ia o faikole ; ti na maliu loa a ia ki le mate, o pati : Tapita, tuu ki aluga ! Ti na fakamavaa loa e ia ona mata, ti i lana tio kia Petelo, na tonatona loa a ia.

Apokalipisi 1:13

ti i loto malie o tekiaga malama e fitu, na i ai se tasi leia na faipe se vosa o le tagata, kua kofu ki se kofu loloa, ti kua toi se kilii pipi aulo i lona fatafata.