Luka 5:21 - Tosi Tapu

²¹ Na kamata masau loa le kau sekelipa mo le kau faliseo, o pati : Ko ai leinei e fai ia ni fatituu ? Ko ai e mafai ke fakamolemole ia a agasala ? Pe leaise ko le Atua toka tasi ?

Luka 5:21 ပူးပေါင်းရင်းမြစ်များ

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Pesalemo 35:5

Ke lotou faipe le penu leia e veteki e le matagi, Ti ke kapu latou e le aselo a le Eteleno !

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Taniela 9:19

Aliki, fakalogo ! Aliki, fakamolemole ! Aliki, tokaga ! gaoi, aua na ke toe talitali, o tupu ko lou alofa kiate koe, ei loku Atua ! Talie e kalagai lou suafa i lou kolo ti mo lou kakai.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Levitiko 24:16

Ko leia e lauveli loa ki le suafa o le Eteleno e tautea loa a ia ki le mate : e tuki fatui loa a ia e le kakai katoa.

Mikea 7:19

E toe manava alofa loa a ia kia matou, E tuku loa e ia ki lalo o ona vae amatou agaveli ; E ke ti loa ki le takele o le moana alatou agasala fuli.

Mateo 26:65

Ti na sae loa e le pule faisakilifisio ona kofu, o pati : Kua fatituu a ia ki le Atua ! Kolea koi aoga mai ai ni tagata fakamaoki ? Ko leinei kua kotou logo ki lana fatituu ki le Atua.

Mateo 9:3

Ti na pati loa ni iki sekelipa i olatou loto : E masau fia atua le tagata leinei.

Luka 3:8

Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.

Luka 5:17

I se tasi a aso, leia na akonaki ai Sesu, na nofo i ai ni kau faliseo mo ni kau toketa o le lao, ala na au mei kolo fuli o Kalilea, mo Sutea mo Selusalemi ; ti na sa le mafimafi o le Aliki i le fakamauli o ni kakai mei olotou masaki.

Luka 5:22

Kae i le iloa e Sesu alatou manatu, na masau loa a ia, o pati kia latou : Kolea e kotou maua ai ni manatu fenaaki i okoutou loto ?

Luka 7:49

Ko latou ala na kakai mo Sesu, na pati loa i olatou loto : Ko ai a ia leinei e fakamolemole ia foki a agasala ?

Soane 10:33

Na tali loa le kau Sutea kiate ia : E leaise motou tuki fatui a koe o tupu ko se gaoi malie, kae tupu ko se fatituu ki le Atua, talie ko koe leia ko se tagata noa, e ke fia Atua.

Loma 8:33

Ko ai ka fakalakasala ia loa le kau filifiliia a le Atua ? Ko le Atua leia e fakamatatonu ia !