Luka 5:12 - Tosi Tapu

¹² Na nofo Sesu i se tasi a kolo, ti ko leinei, ko se tagata kua apele i le kilia, i lana tio kia Sesu, na fakapulou loa a ia ki le kele, o fai kiate ia le kole leinei : Aliki, kapau e ke loto ki ai, e feala ke ke fakamea au.

Luka 5:12 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Uluaki tosi o Sau 18:39

I le tio loa a le kakai ki le nea lena, na lotou tulolo fuli loa ki le kele, o pati : Ko le Eteleno leia e Atua ! Ko le Eteleno leia e Atua !

Lua tosi o Sau 5:1

Ko Naamane, pule o le solia o le sau o Silia, ko se tagata leia na alofaia ai e lona pule ti na logologona ; talie ko ia leia na saofaki ai e le Eteleno le kau Silia. Kae na kilia le tagata lena na toa mo makeke.

Lua tosi o Sau 5:27

E pipiki loa le kilia o Naamane kiate koe mo lou sakoga o lee gato. Ti na mavae loa Keasi meia Eliseo mo se kilia kua tea ofaipe le nive.

Lua tosi o Sau 7:3

Na i ai ni tagata kilia e toka fa i le mua o le matapa o le kolo, ala na fepatiaki loa : Kolea e tou nonofo ai loa i leinei o kaku ki lotatou mamate ?

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Ekesote 4:6

Na toe pati loa le Eteleno kiate ia : Teki lou lima ki lou fatafata. Ti na teki loa e ia lona lima ki lona fatafata ; ti na too ake loa e ia lona lima, ti ko leinei, kua kilia katoa lona lima, ti kua tea a ia ofaipe le nive.

Levitiko 13:16

Kae kapau e toe liliu loa o tea le ganea leia na sa mata ai le kanofi mauli, e toe tioi loa le tagata e le tagata faisakilifisio ;

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Mateo 26:6

Na nofo loa Sesu i Petania, i le fale o Simone, le tagata kilia.

Mateo 9:28

I lana kaku ki fale, na fakafeofi mai le sa tagata kivi kiate ia, ti na pati loa Sesu kia laua : Pe kolua tui e kau mafai ia le nea lena ? Ti na la tali loa kiate ia : Io, Aliki.

Maleko 5:23

o fai kiate ia le kole makeke leinei : Kua vave mate fua loku taine ; au, o teki kiate ia ou lima, o tupu ke ke fakamauli a ia, ti e mauli loa a ia.

Luka 17:16

Na punou loa a ia ki le kele i vae o Sesu, o fakafetai kiate ia. Ko se tagata Samalitana a ia.

Luka 5:13

Na falo loa e Sesu lona lima o fafa kiate ia, o pati : E kau loto ki ai, ke ke mea. I le temi fai lena, na mavae loa le kilia iate ia.

Tetelonome 24:8

Ke ke tokaga ai ki le masaki ko le kilia, o tausi mo fai a nea fuli ala e ako atu loa kia koutou e le kau Levi faisakilifisio : ke kotou tausi loa ti mo kotou fai loa a fakatotonu fuli ala na kau tuku kia latou.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?