Luka 5:11 - Tosi Tapu

¹¹ Ti na lotou toso loa a vaka ki uta, ti na lotou tuku loa a nea fuli, kae lotou muli loa iate ia.

Luka 5:11 ပူးပေါင်းရင်းမြစ်များ

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Mateo 19:27

Na masau loa Petelo, o pati kiate ia : Ko leinei, kua motou tuku a nea fuli, ti kua motou muli iate koe ; kolea loa ka soko kia matou ?

Mateo 19:29

Ti ko leia e tuku ia loa, o tupu ko loku suafa, ona fetaina, mo ona tuagaane, mo lona tamana, mo lona tinana, mo lona avaga, mo ana fanau, mo ona kele, mo ona fale, e maua loa e ia o liuga kau lelau, ti e maua tofiga loa e ia le mauli lee gato.

Mateo 4:20

I le lakaga fai lena, na la tuku loa ola kupega, ti na la muli loa iate ia.

Mateo 4:22

Na kalagai loa laua e Sesu, ti i le lakaga fai lena, na la tuku loa le vaka mo lola tamana, kae na la muli loa iate ia.

Maleko 10:21

Na tio loa Sesu kiate ia, ti na alofa loa a ia kiate ia, o pati kiate ia : E puli le nea e tasi kiate koe ; ano, fakatau a nea fuli ala e ke maua, soli a ia ki le kau mativa, ti e ke maua loa se koloa i le lagi. Ti oki a ia, ti ke au, o muli mai iate au.

Luka 5:28

Ti na tuku loa e Levi a nea fuli, kae tuu loa a ia ki aluga, o muli ia Sesu.