Luka 4:6 - Tosi Tapu

⁶ ti na pati loa a ia kiate ia : E kau soli loa kiate koe le mafimafi katoa lena, ti mo le kololia o puleaga ana, talie kua soli mai a ia kiate au, ti e kau soli a ia ki leia e kau loto ki ai.

Luka 4:6 ပူးပေါင်းရင်းမြစ်များ

Esitele 5:11

Na masau loa Amane kia latou ki le lasi mo le fulumalie o ona koloa, mo le lasi o ona vosa, mo nea fuli ala na fai e le sau ke fakaalialiki ai a ia, mo le tuulaga leia na soli ake e le sau kiate ia i aluga o le kau pule mo le kau tagata fakasausau a le sau.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Esaia 5:14

Koia kua fakamavaa ai le gutu o le nofoaga o le kau mate, Ti kua fakamavaa lasi ai lona gutu ; Ti e ifo loa ki ai le kau mauiga mo le kau mou koloa o Sione, Ti mo lona kakai logoa mo fiafia.

Luka 4:7

Koia kapau e ke atolasio ai kiate au, a au katoa loa a ia.

Soane 12:31

Ko leinei le ola leia e fakamaaui ai le malama nei ; ko leinei le ola leia e ti ai loa le pule o le malama nei ki fafo.

Soane 14:30

E leaise kau toe masau lasi loa mo koutou ; talie e au le pule o le malama nei. E leaise maua e ia sana nea fua e tasi iate au.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Lua tosi ki le kau Kolinto 11:14

Ti e leaise fakapunamauli le nea lena, talie ko Satana totonu e kofu pe se aselo o le malama.

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Uluaki tosi a Petelo 1:24

Talie E fai kanofi fuli pe le mutie, Ti ko lona kololia katoa pe le se o le mutie. Egae le mutie, ti e vilo le se ;

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:2

Ko le manu leia na kau tio ki ai na faipe se leopale ; na fai ona vae pe vae o se uluso, ti na fai lona gutu pe le gutu o se laione. Ti na soli loa e le gata kiate ia lona makeke, mo lona ekeekeaga fakasau, ti mo se pule lasi.

Apokalipisi 13:7

Ti na soli loa kiate ia ke tau ki le kau sagato, ti ke malo ia latou. Ti na soli loa kiate ia le pule ki faasiga fuli, mo kakai fuli, mo masau fuli, ti mo puleaga fuli.