Luka 3:8 - Tosi Tapu

⁸ Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.

Luka 3:8 ပူးပေါင်းရင်းမြစ်များ

Neemia 5:11

Ke tou liufaki kia latou i le aso nei, alatou faisaga fulumeto, mo alatou faisaga vite, mo alatou faisaga oliveto, mo olatou fale, ti mo le tupu o olatou maua, ala na tou fakamaua kia latou, i le paaga, mo le fulumeto, mo le vino, ti mo le lolo.

Esekiele 33:24

Vosa o le tagata, e pati latou ala e nonofo i kolo maumau o le fenua o Iselaele : Na toka tasi Apalaamo, kae na maua e ia le fenua ; kia tatou anei kua toka api, kua soli mai le fenua kia tatou.

Mateo 21:43

Koia, e kau pati atu kia koutou, e too loa le puleaga o le Atua meia koutou, o tuku ki se puleaga leia e fakatupu ia loa ni fua.

Mateo 3:8

Kotou fakatupu mua se fua leia e gali ti mo feauga mo le fakasemala,

Mateo 3:9

ti aua na kotou pati i okoutou loto : Ko Apalaamo ko lomatou tamana ! Talie e kau fakasa kia koutou, mei fatu anei, e mafai ke fakatupu e le Atua ni fanau kia Apalaamo.

Luka 13:25

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Luka 13:26

Ti e kotou kamata pati loa : Na motou kai mo inu i ou mua, ti na ke akonaki i omatou ala.

Luka 14:9

ti na au leia na fakaafe ia koulua, o pati atu kiate koe : Tuku ake le nofoaga lena ki leia. E ke luma loa i le ano o nofo i le nofoaga fakamuli oki.

Luka 19:40

Na tali loa a ia : E kau pati atu kia koutou, kapau e lotou fakalologo, ti e kalaga loa a fatu anei !

Luka 19:9

Na pati loa Sesu kiate ia : I le aso nei kua ulu le fakamauli ki le fale leinei, talie ko ia foki leinei ko se vosa a ia o Apalaamo.

Luka 5:21

Na kamata masau loa le kau sekelipa mo le kau faliseo, o pati : Ko ai leinei e fai ia ni fatituu ? Ko ai e mafai ke fakamolemole ia a agasala ? Pe leaise ko le Atua toka tasi ?

Soane 8:33

Na lotou tali loa kiate ia : Ko le sakoga matou o Apalaamo, ti na leaise motou popula ki se tasi i se aso ; e feaki e ke pati ai : E kotou liliu loa o lauatea ?

Soane 8:39

Na lotou tali loa kiate ia : Ko lomatou tamana ko Apalaamo. Na pati loa Sesu kia latou : Kanapau ko fanau koutou a Apalaamo, e kotou fai loa a gaoi a Apalaamo.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Loma 9:7

Ti e logo ai ko le sakoga latou o Apalaamo, e leaise ko latou fuli ko ana fanau ; kae e pati : Ia Isaake, e ke maua loa se sakoga e fakaigoa loa ki lou igoa,

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.