Luka 3:16 - Tosi Tapu

¹⁶ na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Luka 3:16 ပူးပေါင်းရင်းမြစ်များ

Taagapati 1:23

Kotou tafoki mai o fakalogo ki aku valoki ! Ko leinei e kau liligi loa loku Laumalie kia koutou, E kau fakasa loa kia koutou aku folafola…

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 4:4

I le oki o le fufulu e le Eteleno o kelekele o taineliki o Sione, Ti mo le fakamea o Selusalemi i le toto leia e maua i loto malie o ona, Ki le matagi o lona faitotonu mo le matagi o le maumau.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Soane 1:26

Na tali loa Soane kia latou : Ko au, e kau fai papitema ki le vai, kae i lotomalie o koutou e i ai se tasi leia e leaise kotou iloa, leia e au i oku muli,

Soane 1:27

kae lasi ake a ia iate au, ti e leaise kau gali fua i le tatala o nonoa o ona taka.

Soane 1:33

Na leaise kau iloa a ia, kae ko leia na kakau ia mai au ke fai papitema ki le vai, na pati mai kiate au : Ko leia e ke tio loa e ifo ki ai le Laumalie Maokioki, o tuu iate ia, ko ia leia e fai papitema ki le Laumalie Maokioki.

Soane 7:38

Ko leia e tui kiate au e tafe loa mei lona loto ni vaitafe o le vai mauli, ofaipe lona tosi.

Gaoi 1:5

Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki.

Gaoi 10:44

Ti na koi puaki e Petelo a masau ana, ko leinei na ifo loa le Laumalie Maokioki kia latou fuli ala na fakalogo ki le folafola.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.