Luka 3:11 - Tosi Tapu

¹¹ Na tali loa Soane kia latou : Ko leia e maua ia ni kofu e lua ke vaevae e ia mo leia e sala kofu, ti ko leia e maua ia se nea kai ke toe fai fenaaki.

Luka 3:11 ပူးပေါင်းရင်းမြစ်များ

Esekiele 18:7

Leia e leaise fakamakeke ia se tasi, leia e liufaki ia ki le tagata tuu maua lana nea fakamaoki, leia e leaise kaia ia se tasi, leia e soli ia lana pane ki leia e fia kai ti e fakalava ia leia e telefua,

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.

Soane 13:29

Kae, o tupu na nofo Sutasi mo le kisi paaga, na manatu ni iki na fia pati Sesu kiate ia : Totogi le nea leia e aoga mai kia tatou ki le aso lasi, pe na fakatotonu e ia kiate ia ke soli se nea ki le kau mativa.

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 10:31

Kolenelio, kua tali lau kole, ti kua manatui e le Atua au nea alofa.

Gaoi 10:4

Ti i lana tio fakamaumau kiate ia mo se i lasi, na tali loa a ia : Aliki, kolea ? Ti na pati loa le aselo kiate ia : Kua kaku au faikole mo ou nea alofa ki mua o le Atua, ti kua manatui e ia latou.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.

Sakopo 2:14

Ei oku fetaina, kolea lona aoga ki se tasi ke pati a ia e maua e ia le tui, mo kapau e leaise maua e ia a gaoi ? Pe feala ke fakamauli a ia e le tui lena ?

Uluaki tosi a Soane 3:17

Kapau e maua e se tasi a koloa o le malama nei, ti na tio a ia ki le mativa o lona taina, kae na tapono e ia ona tootooga kiate ia, e feaki ke nofo iate ia le alofa ki le Atua ?

Uluaki tosi a Soane 4:20

Kapau e pati se tasi : E kau alofa ki le Atua, kae vesia a ia ki lona taina, ko se tagata gutu loiloi a ia ; talie ko leia e leaise alofa ki lona taina leia e tio a ia ki ai, e feaki loa ke alofa a ia ki le Atua leia e leaise tio a ia ki ai ?