Luka 24:50 - Tosi Tapu

⁵⁰ Na taki loa e ia latou o kaku ki Petania, ti na siki loa ona lima o tapuaki kia latou.

Luka 24:50 ပူးပေါင်းရင်းမြစ်များ

Senesi 27:4

Teuteui mai loa kiate au se nea kai leia e kau manako ki ai, ti ke aumai loa a ia kiate au ke kau kai, o tupu ke kau tapuaki loa kiate koe i mua o loku mate.

Senesi 48:9

Na tali loa Sosefo ki lona tamana : Ko oku vosa, ala na soli mai kiate au e le Atua i le fenua leinei. Ti na pati loa Iselaele : E kau kole atu kiate koe, ke ke fakafeofi mai laua kiate au ke kau tapuaki kia laua.

Senesi 49:28

Ko latou fuli ana, na tupu mei ai a famili e tino agafulu tupu lua o Iselaele. Ti ko masau ana, na tuku kia latou e lolatou tamana, i lana tapuaki kia latou. Na tuku e ia lana tapuaki ki le tagata taki toka tasi.

Levitiko 9:22

Ka oki loa le momoli e Alone o le sakilifisio o le fakamolemole, mo le failaulau, ti mo le sakilifisio o le komunio, e siki loa e ia ona lima ki aluga, o tapuaki ki le kakai, ti ifo ake loa a ia i le aletale.

Mateo 21:17

Ti na tuku loa e ia latou, kae na mavae loa a ia mei le kolo o ano ki Petania, o nofo ai i le pouli.

Maleko 10:16

Ti na luluku loa e ia latou i ona lima, ti na tapuaki loa a ia kia latou, o teki ona lima kia latou.

Maleko 11:1

Ti kua lotou ofi loa ki Selusalemi, o soko ki Petefase mo Petania, i le mauga o Oliveto, ti na kakau loa e Sesu se toka lua o ana tisipulo,

Luka 24:51

I le lolotoga o lana tapuaki kia latou, na mavae loa a ia meia latou, o ano ki le lagi.

Gaoi 1:12

Ti na lotou toe liliu loa ki Selusalemi mei le mauga na igoa ko le mauga o Oliveto. Na mamao le mauga lena mei le kolo i se kilometa e tasi.

Gaoi 1:9

I le oki o lana fakasa le nea lena, na ave loa a ia ki lagi, kae lotou lolotoga tio kiate ia, ti na fakamunia loa a ia e se ao ki olatou mata.

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.

Sosue 22:6

Ti na tapuaki loa Sosue kia latou, ti na kakau loa e ia latou ke toe liliu ki olatou falela, ti na lotou ano loa.