Luka 24:44 - Tosi Tapu

⁴⁴ Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Luka 24:44 ပူးပေါင်းရင်းမြစ်များ

Senesi 14:18

Na fakatotonu loa e Melekiseteke, sau o Salemi, ke avake se pane mo se vino : na pelepitelo a ia o le Atua Taualuga.

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 52:13

Ko leinei, e manuia loa laku tagata fakasausau ; E pale ake loa a ia ki aluga, e malaga loa a ia ki aluga, e malaga loa a ia o taualuga.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Selemia 33:14

Ko leinei, e soko mai loa a aso, e pati le Eteleno, Ala e kau fakasoko ai loa le folafola malie Leia na kau fakasa ki le fale o Iselaele mo le fale o Suta.

Esekiele 17:22

E folafola le Aliki, le Eteleno, o pati : Ko au, e kau too loa le tumutumu o se sete lasi, ti e kau fakatuu loa a ia ; e kau tatai loa i ona laa se ga laa foou, ti e kau to loa a ia i se mauga taualuga.

Esekiele 34:23

E kau tuku loa ki le ulu o laku kau manu se tausi manu e tasi, leia e poto loa i lona fagai, ti ko le tagata lena ko laku tagata fakasausau ko Tavite ; ko ia leia e fagai ia loa latou, ti e liliu loa a ia ko le tausi ovi maoki kia latou.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Sakalia 14:4

E tuu loa ona vae i le aso lena ki le mauga o Oliveto, Leia e agaaga ki Selusalemi, i le potu esite. E mafaa loa le mauga o Oliveto i loto malie, mei le potu esite ki le potu uesite, Ti e tuu loa se popoko lasi i ai : E solomuli loa se tasi vaelua o le mauga ki le potu noleto, Ti ko se tasi vaelua ki le potu saute.

Sakalia 6:12

E ke pati loa kiate ia : Ko leinei le folafola a le Eteleno o kau tau : Tio ki se tagata leia e igoa ko Somo ; e somo ake loa a ia i lona ganea, ti e fakatuu loa e ia le fale tapu o le Eteleno.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Numelo 21:8

Na pati loa le Eteleno kia Moisese : Fai se gata kapa kiate koe, ti ke fakapipiki loa a ia ki se pou laakau ; ko leia e uuti loa e se gata, ti e tio loa a ia ki le gata kapa, e mauli loa i ai.

Numelo 35:25

E fakamauli loa e le kakai le tagata tukipo mei le lima o le tagata totogi toto. E toe fakaliliu loa e le kakai le tagata lena ki le kolo ulufaga leia na sola ki ai. E nofo loa a ia i ai o kaku ki le mate o le tagata faisakilifisio lasi leia kua pani ki le lolo tapu.

Mateo 1:22

Na soko a nea fuli ana ke fakasoko ai le nea leia na fakasa e le Aliki i le polofeta :

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Mateo 26:54

Ti e fakasoko feaki loa a folafola o le Tosi, ala e fakasa ia e tonu ke fai feneeki ?

Mateo 26:56

Kae kua soko a nea fuli ana ke fakasoko ai a folafola ala na tosi e le kau polofeta. Ti na tiaki loa a ia e le kau tisipulo fuli, kae lotou fesolaki.

Maleko 9:31

Talie na akonaki a ia ki ana tisipulo, o pati kia latou : E tuku loa le Vosa o le tagata ki lima o tagata ; ti e lotou tamate loa a ia. Ti ka oki loa ni aso e tolu ki lona mate, e toe tuuake loa a ia.

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Luka 22:37

Talie e kau fakasa atu kia koutou, e tonu ke fakasoko iate au le folafola leinei e tuu i le Tosi : Na lau a ia mo le kau agaveli. Ti ko nea ala na tosi kiate au kua vave soko fua.

Luka 24:46

Ti na pati loa a ia kia latou : E tuu foki i le tosi : E mamae loa le Kilisito, ti e toe tuuake loa a ia mei le kau mate i le tolu o aso,

Luka 9:22

Ti na toe pati loa Sesu : e tonu ke mamae lasi ai le Vosa o le tagata, ti ke tiaki a ia e le kau fakamatuatua, mo le kau pule faisakilifisio, mo le kau sekelipa, ti ke tamate a ia, ti ke toe tuuake loa a ia i le tolu o aso.

Luka 9:44

Kia koutou, kotou fakalogo malie mai ki le nea leinei : E tuku loa le Vosa o le tagata ki lima o tagata.

Soane 3:14

Ti ofaipe Moisese na fakatuu ia le gata i le toafa, e tonu foki ke fakatuu le Vosa o le tagata ki aluga,

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Soane 5:46

Talie kanapau na kotou tui kia Moisese, e kotou tui mai foki kiate au, talie na tosi e ia kiate au.

Gaoi 13:33

kua fakasoko e ia kia tatou ala ko alatou fanau, i lana toe fakatuuake Sesu mei le kau mate, o mulimuli ki le nea leia e tosi i le pesalemo lua : Ko loku Vosa a koe, Na kau fanaui a koe i le aso nei.

Gaoi 13:40

Koia, kotou tokaga ai ke aua na soko kia koutou le nea leia e fakasa i tosi a le kau polofeta :

Gaoi 2:27

Talie e leaise ke tuku loa loku laumalie i le nofoaga o le kau mate, Ti e leaise ke fakataga loa ke pala le tino o lou Sagato.

Gaoi 3:18

Kae i le nea lena kua fakasoko e le Atua le nea leia na fakasa fakatomua e ia i le gutu o ana polofeta fuli, e tonu ke mamae lona Kilisito.

Gaoi 7:37

Ko le Moisese lena, leia na pati loa ki vosa o Iselaele : E fakatuu ake loa kia koutou e le Atua i okoutou fetaina se polofeta ofaipe au.

Epelo 10:1

Ko le lao, leia e maua ia se ata o nea malilie ka au, kae leai le maoki totonu o nea, e leaise mafai ia i se aso ke ave ia ki le malie tukupau latou ala e fakafeofi ki le Atua, talie e tonu ke fai tuumau a sakilifisio ana, i fetuu fuli.

Epelo 3:5

Kia Moisese, na agatonu a ia i le fale katoa o le Atua, ofaipe se tagata fakasausau, ke fakamaoki ki le nea leia e tonu ke fakasa ;

Epelo 7:1

Talie ko le Melekiseteke lena, ko le sau o Salemi, ti ko le tagata fai sakilifisio a le Atua taualuga ; na ano a ia ki mua o Apalaamo i lana toe liliu mei le lava o le kau sau, ti na tapuaki loa a ia kia Apalaamo ;

Epelo 9:8

E fakasa i ai e le Laumalie Maokioki e leikiaise fakamavaa le ala ki le potu taputapu, talie koi tuu le uluaki tapenakulo.

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.